The news is by your side.

Advertisement

قمبر شہداد کوٹ : کم عمر بہنوں کو ونی کرنے کا حکم، جرگے کے ملزمان گرفتار

شہداد کوٹ: سندھ پولیس نے قمبر میں ہونے والے جرگے کا مقدمہ درج کر کے تین افراد کو حراست میں لے لیا، پنچائیت نے دو کم عمر بہنوں کو ونی کرنے کا حکم دیا تھا۔

نمائندہ اے آر وائی نیوز کے مطابق سندھ کے ضلع قمبر شہداد کوٹ کی تحصیل قمبر میں پانچ روز قبل قتل پرغیر قانونی جرگہ لگایا گیا تھا جس میں قتل کے ملزم پر دو بیٹیوں کو ونی کرنے کا جرمانہ عائد کیا۔

پولیس کے مطابق جرگے میں عمائدین نے شرکت کی اور ملزم پر 90 لاکھ روپے اور دو بیٹیوں کی زبردستی متاثرہ خاندان کے فرد کے ساتھ شادی کرنے کا حکم دیا، لڑکیوں کی عمریں 12 اور دس سال کے قریب ہیں۔ جرمانے کی صورت ونی کرنے والی دونوں بیٹیاں عمر بھر اپنے والد کے گھر (میکے) نہیں جاسکتیں۔

ایس ایس پی نےقمبرمیں جرگےکا نوٹس لیتے ہوئے جرگہ سرپنچ سمیت 17 افراد کے خلاف سرکاری مدعیت میں مقدمہ درج کرایا جس کے بعد قمبر کی پولیس نے تین افراد کو حراست میں لیا۔

پولیس حکام کے مطابق گرفتار کیے گئے ملزمان سے تحقیقات جاری ہیں اور معاملے میں اہم پیشرفت کا بھی امکان ہے کیونکہ مقدمے میں نامزد دیگر ملزمان علاقے سے فرار ہوچکے ہیں۔

یاد رہے کہ آئین پاکستان اور اپیکس کورٹ کے فیصلے کے مطابق جرگہ غیر قانونی عمل ہے البتہ پاکستان کے کچھ علاقوں میں ابھی بھی یہ عمل کیا جاتا ہے۔

fb-share-icon0
Tweet 20

Comments

comments

یہ بھی پڑھیں