The news is by your side.

Advertisement

پاناما جے آئی ٹی، اسحاق ڈار کو پیش ہونے کی ہدایت

اسلام آباد: پاناما کیس کی تفتیش کرنے والی ٹیم نے اسحاق ڈار کو کل تین بجے طلب کرلیا۔

ذرائع کے مطابق وزیرخزانہ اسحاق ڈارکو جےآئی ٹی نے بتاریخ 3 جولائی کو دوپہر 3 بجےطلب کرتے ہوئے سمن جاری کردیا قبل ازیں وفاقی وزیرخزانہ کو دو سمن جاری کیے جاچکے ہیں۔

جے آئی ٹی کی جانب سے اسحاق ڈار کو ہدایت کی گئی ہے کہ وہ 2003 سے 2006 تک کے ٹیکس ریٹنر لے کر آئیں کیونکہ ان سالوں کا ریکارڈ ایف بی آر کے پاس موجود نہیں ہیں۔

تفتیشی ٹیم کی جانب سے اسحاق ڈار کو اس سے پہلے بھی دو بار سمن جاری کیے جاچکے ہیں تاہم انہوں نے ذاتی مصروفیات کی بنا پر پیش ہونے سے معذرت کرلی تھی۔

پڑھیں: پاناما جے آئی ٹی نے وزیراعظم نوازشریف کی صاحبزادی مریم نواز کو طلب کر لیا

ذرائع کا کہنا ہے کہ اسحاق ڈارسےان کےاعترافی بیان سےمتعلق سوالات اور چوہدری شوگر ملز سےمتعلق بھی سوالات کیے جانے کا امکان ہے،  دوسری جانب جے آئی ٹی کی جانب سے وزیراعظم کے صاحبزادے حسن نواز کو  بھی صبح 11 بجے طلب کیا گیا ہے۔

یاد رہے سپریم کورٹ کی ہدایت پر پاناما کیس کی تفتیش کے لیے جے آئی ٹی تشکیل دی گئی تھی، تفتیشی ٹیم کو عدالت کی جانب سے 60 روز کی مہلت دی گئی ہے جس کی مدت بھی ختم ہونے والی ہے۔

مزید پڑھیں: پاناما جے آئی ٹی کو متنازعہ بنانے کے لیے ن لیگ کی حکمت عملی تیار

واضح رہے وزیراعظم کے صاحبزادے حسین نواز 5 بار جبکہ حسن نواز 2 بار جے آئی ٹی کے سامنے پیش ہو چکے ہیں، اس کے علاوہ وزیر اعظم نوازشریف ، وزیر اعلیٰ پنجاب شہبازشریف ، وزیر اعظم کے داماد کیپٹن (ر) صفدر بھی جے آئی ٹی کے روبرو پیش ہوچکے ہیں۔

Print Friendly, PDF & Email

Comments

comments

یہ بھی پڑھیں