site
stats
سندھ

سی ٹی ڈی نے جے آئی ٹی تشکیل دے دی

کراچی : سنگین جرائم میں ملوث گرفتار ہائی پروفائل ملزمان سے تفتیش کے لیے سی ٹی ڈی نے سینیئر افسران پر مشتمل جوئنٹ انویسٹی گیشن ٹیم کی تشکیل دے دی ہے جس کے سربراہ ایس ایس پی سی ٹی ڈی عمر حیات ہوں گے۔

تفصیلات کے مطابق تشکیل دی گئی جوائنٹ انویسٹی گیشن ٹیم حساس نوعیت کے مقدمات میں گرفتار خطرناک دہشت گردوں سے تحقیقات کرے گی اور ملزمان سے حاصل معلومات کی روشنی میں اپنی تفتیشی رپورٹ 7 روز کے اندر اندر پیش کرے گی۔

ذرائع کے مطابق جے آئی ٹی میں ایس ایس پی اسپیشل برانچ،ایم آئی،آئی ایس آئی، آئی بی اور رینجرز سے تعلق رکھنے والے ایک ایک اعلٰی افسر شامل ہوں گے جب کہ ٹیم کی سربراہی ایس ایس پی سی ٹی ڈی عمر حیات شاہد کریں گے۔

اے آر وائی کے نمائندے کامل عارف نے اے آر وائی سے بات کرتے ہوئے کہا ہے کہ مذکورہ جوئنٹ انویسٹی گیشن ٹیم آرمی افسران، پولیس افسران سمیت حساس اور ہائی پروفائل کیس کی تحقیقات کرے گی۔

واضح رہے سی ٹی ڈی نے حال ہی میں کی گئی کامیاب کارروائیوں میں فوجی و پولیس اہلکاروں کے قتل میں ملوث ہائی پروفائل ملزمان کو گرفتار کیا ہے جنہوں نے ہوشرباء انکشافات کیے ہیں،دہشت گردوں کے نیٹ ورک تک رسائی اور اس کے مکمل خاتمے کے لیے ان ملزمان سے جے آئی ٹی کے ذریعے تفتیش کروانے کا فیصلہ کیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top