جے آئی ٹی نے دوبارہ پیشی کا سمن جاری نہیں کیا، حسین نواز Hussain Nawaz
The news is by your side.

Advertisement

جے آئی ٹی نے دوبارہ پیشی کا سمن جاری نہیں کیا، حسین نواز

اسلام آباد: وزیراعظم کے صاحبزادے حسین نواز نے کہا ہے کہ آج میری جے آئی ٹی کے سامنے پانچویں پیشی تھی دوبارہ پیشی کا سمن نہیں ملا، جے آئی ٹی جب بلائے گی تب میں آؤں گا۔

جے آئی ٹی میں پانچویں پیشی کے بعد جوڈیشل اکیڈمی کے سامنے میڈیا سے گفتگو کرتے ہوئے حسین نواز نے کہا کہ آج کے سوالات کی نوعیت سے نہیں لگتا دوبارہ بلایا جائے گا اور نہ ہی دوبارہ پیشی کے سمن ملے۔

پڑھیں: تصویر کیوں لیک ہوئی؟ حسین نواز سپریم کورٹ پہنچ گئے

انہوں نے کہا کہ قانون کی پاسداری کے لیے جے آئی ٹی کے سامنے پیش ہورہے ہیں، کارروائی سے مجھے مطمئن نہیں بلکہ تفتیشی افسران کو ہونا ہے، انشاء اللہ پاناما کے معاملے پر کوئی ثبوت نہیں ملے گا کیونکہ چھپانے کے لیے کچھ ہے ہی نہیں۔

حسن نواز کے میڈیا سے گفتگو نہ کرنے کو وزیراعظم کے صاحبزادے نے ذاتی فیصلہ قرار دیا، ایک سوال کے جواب میں حسین نوازنے کہا کہ  فی الحال میرا انتخابات میں حصہ لینے کا کوئی ارادہ نہیں ہے۔

Comments

comments

یہ بھی پڑھیں