لاہور: عوامی تحریک کے سربراہ ڈاکٹر طاہر القادری کا کہناہےحسین نوازکی تصویرایک ڈرامہ ہے،انہوں نےکہاکہ تصویرخودبناکرلیک کی گئی اورخودہی تبصرےکررہےہیں۔
تفصیلات کےمطابق لاہورایئرپورٹ پرمیڈیاسےگفتگوکرتے ہوئے پاکستان عوامی تحریک کے سربراہ طاہر القادری نے کہا کہ پاناما کیس میں بنائی جانے والی جے آئی ٹی ن لیگ کے2018 کا الیکشن سیل ہے۔
جے آئی ٹی میں حسین نواز کی تصویر لیک کے معاملے پر انہوں نے کہا کہ وہ سب ڈرامہ تھا،یہ تصویر حکومت نے خود لیک کروائی تھی۔
ڈاکٹر طاہر القادری نےکہاکہ ماڈل ٹاؤن میں جو کچھ ہوا اس پر خاموش نہیں بیٹھیں گے،ہمارا مطالبہ ہے کہ ہمیں قصاص دیا جائے۔انہوں نےکہاکہ انصاف اور قصاص کے حصول کےلیے آخری سانس تک لڑیں گے۔
عوامی تحریک کےسربراہ نے کہا کہ جب عوام تبدیلی کےلیے اٹھ کھڑے ہوں تو تبدیلی آجائے گی،ہم نے غریبوں کے خون کی حفاظت کی قسم کھائی ہے اور اسے پورا کریں گے۔
طاہر القادری نے ایک سوال کے جواب میں کہا کہ میں نے 2013 کے انتخابات سے قبل جو کہا تھا وہی ہوا۔
واضح رہےکہ عوامی تحریک کے سربراہ نے کہا کہ آنے والے الیکشن کے حوالے سے ملک کے مختلف سیاستدانوں سے ہمارے رابطے ہیں جن کے ساتھ مستقبل کی حکمت عملی طے کی جا رہی ہے۔
