site
stats
عالمی خبریں

برطانوی پارلیمنٹ کا مقتول رکن جو کوکس کو خراج عقیدت

لندن: برطانوی پارلیمنٹ نے اپنی رکن جو کوکس کو خراج عقیدت پیش کیا، ارکان اپنے لباس پر سفید گلاب لگا کر ایوان میں داخل ہوئے اور جوکوکس کے لیے تعزیتی کلمات ادا کیے۔

jo3

برطانوی وزیراعظم ڈیوڈ کیمرون نے بھی اپنے لباس پر سفید گلاب لگائے اور جوکوکس کی یاد میں گلدستہ رکھا اور ملک کے لیے ان کی خدمات کو سراہا۔

jo4

ارکان پارلیمنٹ کا کہنا تھاکہ پورا ملک جوکوکس کے اس بہیمانہ قتل پر اب تک سکتے کے عالم میں ہے، جوکس کی ملک اور ایوان کے لیے خدمات قابل تحسین ہیں، وہ ایک بہترین اور خوش اخلاق ساتھی تھیں، وہ ہمارے دلوں میں ہمیشہ زندہ رہیں گی۔

jo5

 برطانوی میڈیا کے مطابق ارکان نے جو کوکس کی خالی نشست پر بھی سرخ اور سفید گلاب رکھے اور تعزیتی کلمات پیش کیے۔

J-new

 بعدازاں ارکان پارلیمنٹ نے چرچ میں تعزیتی تقریب بھی منعقد کی اور جوکوکس کی خدمات کو سراہنے کے لیے کلمات ادا کیے۔

مزید پڑھیں: مقتول رکن پارلیمنٹ کے سوگ میں سرکاری عمارتوں پرپرچم سرنگوں

قبل ازیں ایوان نے مقتول رکن پارلیمنٹ کے سوگ میں سرکاری عمارتوں پر پرچم سرنگوں رکھا اور ان کی یاد میں مختلف مقامات پر لوگوں نے پھول رکھے۔

یہ بھی پڑھیں:نامعلوم شخص کی فائرنگ، برطانوی خاتون رکن پارلیمنٹ ہلاک

یاد رہے 16 جون کو لندن کے علاقے برسٹل میں ایک 52سالہ شخص نے برطانوی خاتون رکن پارلیمنٹ جوکوکس پر فائرنگ کی تھی جس پر پولیس نے اسے گرفتار کرلیا  تھا۔ بعدازاں اسپتال میں دوران علاج جو کوکس چل بسی تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top