The news is by your side.

Advertisement

بیٹے کا علاج قرضہ لے کر کرایا، امریکی نائب صدر

واشنگٹن: امریکا کے نائب صدر جوبائیڈن نے انکشاف کیا ہے کہ بیٹے کا علاج کرانے  کے لیے مکان فروخت کرنے کا ارادہ کیا تاہم بارک اوباما نے امداد کی پیش کش کی مگر اُسے مسترد کرتے ہوئے قرضہ لے کر بیٹے کا علاج کروایا۔

وائٹ ہاؤس میں منعقدہ الواداعی تقریب سے امریکی نائب صدر نے انکشاف کیا کہ ان کے بیٹے بیو بائیڈن کو کینسر کا مرض لاحق ہوگیا تھا جس کے بعد اُس نے اٹارنی جنرل کے عہدے سے استعفیٰ دے دیا تھا۔

انہوں نے کہا کہ ’’بیٹے کے مستعفیٰ ہونے کے بعد بیٹے کے علاج کے لیے پیسے نہیں تھے جس کے بعد ہم نے گھر فروخت کرنے کا فیصلہ کیا تاہم اس دوران امریکی صدر بارک اوباما کو جب اس بات کا علم ہوا تو انہوں نے گھر فروخت کرنے سے منع کرتے ہوئے علاج کے لیے قرضہ دیا‘‘۔

جوبائیڈن نے کہا کہ امریکی صدر نے میری تکلیف محسوس کرتے ہوئے قرضہ دیا اور مکان فروخت ہونے سے بچالیا تاہم افسوس اس بات کا ہے کہ بیٹا زندگی کی بازی ہار گیا اور وہ 2015 کو ہمیں چھوڑ کر چلا گیا۔

دوسری جانب اوباما انتظامیہ نے امریکی نائب صدر کو اُن کی خدمات کے اعتراف میں اعلیٰ ترین سول اعزاز سے نوازا، تقریب سے خطاب کرتے ہوئے امریکی صدر بارک اوباما نے جوبائیڈن کی تعریف بھی کی۔

Print Friendly, PDF & Email

Comments

comments

یہ بھی پڑھیں