The news is by your side.

Advertisement

جوروٹ نے تمام کپتانوں کو پیچھے چھوڑ دیا

جوروٹ نے انگلینڈ کے سب سے کامیاب کپتان ہونے کا اعزاز حاصل کر لیا۔

لیڈس ٹیسٹ میں بھارت کو 76 رنز اور اننگز کی شکست سے دوچار کرنے والی ٹیم کے کپتان جورٹ انگلینڈ کی ‏جانب سے سب سے زیادہ ٹیسٹ فتوحات حاصل کرنے والے کپتان بن گئے ہیں۔

ان سے قبل مائیکل وان انگلینڈ کے کامیاب ترین کپتان تھے جنہوں نے 51 میچوں میں قیادت کرتے ہوئے 26 میں ‏کامیابی حاصل کی۔

جوروٹ نے 55 میچوں میں سے 27 کامیابیاں سمیٹ کر مائیکل وان کو پیچھے چھوڑتے ہوئے سب سے کامیاب ‏انگلش کپتان ہونے کا اعزاز اپنے نام کر لیا۔

لیڈس ٹیسٹ میں سنچری بنانے والے جوروٹ بھارت کے خلاف ٹیسٹ میں سب سے زیادہ رنز بنانے والے چوتھے ‏‏بلے باز بھی بنے۔

سابق پاکستانی کپتان جاوید میانداد نے بھارت کے خلاف 39 اننگز میں 2228 رنز بنا رکھے تھے اور سنگ میل کو ‏انگلش کپتان ‏نے سنچری بنا کر عبور کر لیا۔

روٹ نے بھارت کے خلاف41 اننگز میں 2230 رنز بنائے ہیں جس میں 7 سنچریاں شامل ہیں جب کہ میانداد کی ‏‏بھارت کے خلاف سنچریوں کی تعداد 5 ہے۔

ٹیسٹ میں ہندوستان کے خلاف سب سے زیادہ رنز بنانے کا اعزاز سابق آسٹریلوی کپتان رکی پونٹنگ کے نام درج ‏‏ہے جو 2555 رنز کے ساتھ سرفہرست ہیں۔

Comments

یہ بھی پڑھیں