The news is by your side.

Advertisement

دوڑنے سے پہلے کیا اقدامات کرنا ضروری ہیں؟

صبح صبح جاگنگ کرنا صحت پر بہت اچھے اثرات ڈالتا ہے، تیز رفتار چہل قدمی یا واکنگ کا اصل نتیجہ حاصل کرنے کے لئے ضروری ہے کہ ایک گھنٹے میں تقریباً 4.5 کلومیٹر سے چھ کلومیٹر تک کا فاصلہ تیز رفتار چہل قدمی سے طے کیا جائے تاکہ ہم مکمل اسٹیمینا حاصل کرسکیں۔

اسی طرح ریس کے مقابلوں میں حصہ لینے کیلئے بھی ضروری ہے کہ حصہ لینے والا اس قدر مضبوط اور توانا ہو کہ وہ کچھ دیر بھاگنے کے بعد ہانپنے نہ لگے اور اس کے دل کی دھڑکن بھی ضرورت سے زیادہ تیز نہ ہو۔

پچھلے دنوں سیالکوٹ میں پولیس کانسٹیبلز کی بھرتی کے لیے ٹیسٹ کے لیے دوڑ کا انعقاد کیا گیا تھا جس کے دوران ایک نوجوان انتقال کرگیا، اسپتال انتظامیہ کا کہنا تھا کہ امیدوار کی ہلاکت دل کا دورہ پڑنے سے ہوئی۔

اس حوالے سے اے آر وائی نیوز کے پروگرام باخبر سویرا میں پاکستان کی مایہ ناز ایتھلیٹ نسیم حمید نے دوڑنے کے فوائد اور اس کے طریقہ کار سے متعلق ناظرین کو آگاہ کیا۔

انہوں نے کہا کہ بھاگنا آسان کام نہیں اس کیلئے مکمل تیاری کی ضرورت ہوتی ہے، اس کیلئے روز کی جاگنگ ،جم جا کر ورزش کرنا ضروری ہے اس کے علاوہ اچھی خوراک بھی اہمیت کی حامل ہے۔

نسیم حمید کا کہنا تھا کہ کسی بھی مقابلے سے پہلے کھانا پینا بہت نقصان دہ ہوسکتا ہے کم از تین سے چار گھنٹے قبل کھانا کھا کر پھر ڈوڑنے کا عمل کیا جائے۔

Comments

یہ بھی پڑھیں