site
stats
پاکستان

پاک بھارت اختلافات ختم کرنے کےلیےمل کر کام کرنا ہوگا،امریکہ

واشنگٹن :امریکہ کا کہنا ہے کہ پاک بھارت اختلافات ختم کرنے کےلیےمل کرکام کرنا ہوگا،جبکہ سی پیک میں میں شمولیت کا فیصلہ بھارت کو ہی کرناہے۔

تفصیلات کےمطابق امریکی دارالحکومت واشنگٹن میں پریس بریفنگ کےدوران ترجمان امریکی محکمہ خارجہ جان کربی کا کہنا تھاکہ پاکستان اور بھارت کےساتھ کئی معاملات پر رابطے میں ہیں،جبکہ سندھ طاس معاہدےپرجان کیری اوراسحاق ڈارکارابطہ ہواتھا۔

جان کربی کا کہنا تھا کہ معاہدہ پاکستان اوربھارت کےدرمیان تعاون کی بہترین مثال ہے،جس پردونوں ممالک پچاس سال سے عملدرآمد کررہے ہیں۔

امریکی محمکہ خارجہ کے ترجمان جان کربی کاکہناتھا کہ سی پیک میں شمولیت کافیصلہ بھارت کو کرنا ہے۔

ترجمان امریکی محمکہ خارجہ نے کہا کہ افغانستان میں امن کےلیےعالمی کوششوں کی حوصلہ افزائی کرتےہیں۔

جان کربی کاکہناتھا کہ افغانستان کےمعاملات پربات چیت سےہی آگےبڑھاجاسکتاہے،تاہم حکمت یارپرپابندی ہٹانےکا فیصلہ اقوام متحدہ کرے گا۔

مزید پڑھیں:دہشت گردی بھارت کی ریاستی پالیسی کا حصہ ہے، ترجمان دفتر خارجہ

واضح رہے کہ دو روز قبل ترجمان دفتر خارجہ نے کہاتھا کہ دہشت گردی بھارت کی ریاستی پالیسی کا حصہ ہے اور وہ دہشت گردوں کی مالی معاونت بھی کرتا ہے۔

نفیس ذکریا کا کہناتھاکہ بھارت اقوام متحدہ کے فورم کو سیاسی مقاصد کے حصول کے لیے استعمال کرنے کی کوشش کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top