The news is by your side.

Advertisement

کوئٹہ میں پولیس ٹریننگ سینٹر پرحملہ بزدلانہ اقدام ہے

واشنگٹن: امریکی وزارت خارجہ کے ترجمان جان کربی کا کہنا ہے کہ کوئٹہ میں پولیس ٹریننگ سینٹر پر حملہ بزدلانہ اقدام ہے۔

تفصیلات کےمطابق واشنگٹن میں پریس کانفرنس کے دوران ترجمان امریکی وزارت خارجہ جان کربی کا کہناتھاکہ امریکہ دہشت گردی کوشکست دینے کے لیے پاکستان کے ساتھ تعاون جاری رکھےگا۔

امریکی وزارت خارجہ کے ترجمان کا کہناتھاکہ امریکہ کوئٹہ میں پولیس ٹریننگ سینٹر پر حملے کی پر زور مذمت کرتا ہےاور مشکل کی اس گھڑی میں پاکستان کے ساتھ کھڑا ہے۔

ترجمان امریکی محکمہ خارجہ جان کربی کا کہناتھاکہ امریکہ پاکستان میں جمہوری حکومت کی حمایت کرتا ہے،ساتھ ہی پرامن احتجاج کےحق کی بھی حمایت کرتاہے۔

کوئٹہ پولیس ٹریننگ سینٹر پر حملہ، 61 اہلکار شہید، 118 زخمی

واضح رہے کہ گزشتہ روز راتے گئے کوئٹہ میں پولیس ٹریننگ سینٹر پرتین دہشت گردوں کے حملےمیں 61اہلکار شہید،118 سے زائد زخمی ہوگئے،فورسزکی کارروائی میں3دہشت گردمارے گئےتھے۔

Comments

comments

یہ بھی پڑھیں