The news is by your side.

Advertisement

بالی وڈ اداکار جان ابراہم ’انجری‘ سے صحت یاب ہورہے ہیں

ممبئی: بھارتی اداکارجان ابراہم گھٹنے میں ہونے والی انجری سے اب صحت یاب ہورہے ہیں ، انہیں یہ چوٹ فلم فورس 2 کے سیٹ پرآئی تھی۔

تفصیلات کے مطابق جان ابراہم بدھاپسٹ میں اپنی آنے والی فلم فورس 2 کی شوٹنگ میں مشغول تھے جہاں ایک ایکشن سین فلمانے کے دوران انہیں گھٹنے میں انجری پیش آئی۔

فلم پروڈیوسروپل شاہ کا کہنا ہے کہ یہ سب ہمارے لئے حیرت انگیزتھا، جان ابراہم نے ایکشن سین کے دوران لات مار کر ایک دروازہ توڑنا تھا جو انہوں نے کرلیا لیکن اس میں انہوں نے ضرورت سے زیادہ قوت استعمال کی جس کے سبب انکے گھٹنے میں انجری ہوگئی۔

جان ابراہم کو فوری طور پر اسپتال کیا گیا جہاں ان کے گھٹنے کی معمولی سرجری کرکے جم جانے والے خون کو صاف کیا گیا۔

ڈاکٹروں کا کہنا ہے کہ مکمل صحت یابی کے لئے جان ابراہم کو مزید کچھ دن اسپتال میں آرام کرنا ہوگا اس کے بعد ہی وہ فلم کی شوٹنگ پر دوبارہ جاسکیں گے۔

 

 

Print Friendly, PDF & Email

Comments

comments

یہ بھی پڑھیں