The news is by your side.

Advertisement

پاک بھارت مذاکرات جاری رہنے چاہئیں، جان کیری کا نوازشریف کو فون

اسلام آباد : امریکی وزیر خارجہ جان کیری نے کہا ہے کہ پاکستان بھارت مذاکرات جاری رہنا چاہئیں۔

تفصیلات کے مطابق وزیراعظم نواز شریف سے امریکی وزیرخارجہ جان کیری نے ٹیلی فون پر رابطہ کیا، ان کا کہنا تھا کہ پٹھان کوٹ حملے کے باوجود پاک بھارت مذاکرات جاری رہنے چاہیئں۔

انہوں نے کہا کہ دہشت گرد پاک بھارت مذاکرات سبوتاژ کرنے کی کوشش کر رہے ہیں، دونوں ممالک کے وزرائے اعظم بات چیت کے عمل کو یقینی بنائیں۔

ان کا کہنا تھا کہ پاک بھارت تعلقات علاقائی استحکام کیلئے ضرور ی ہیں، اس موقع پر نواز شریف نے کہا کہ پٹھان کوٹ  میں ہونے والے دہشت گردی کے واقعے کی تحقیقات کررہے ہیں، اور پاکستان بھارت سمیت تمام ممالک سے بہتر تعلقات کا خواہاں ہے۔

وزیر اعظم کا کہنا تھا کہ پاک سرزمین کو کسی بھی دہشت گردانہ سرگرمیوں کے لئے استعمال نہیں ہونے دیا جائے گا ۔

Comments

comments

یہ بھی پڑھیں