The news is by your side.

Advertisement

برطانوی وزیراعظم کا سعودی ولی عہد سے ٹیلیفونک رابطہ، آئل تنصیبات پر حملے کی مذمت

لندن: برطانوی وزیراعظم بورس جانسن نے سعودی ولی عہد محمد بن سلمان ٹیلی فونک رابطے میں آئل تنصیبات پر حملے کی مذمت کی ہے۔

غیرملکی خبررساں ادارے کے مطابق برطانوی وزیراعظم بورس جانسن نے سعودی ولی عہد سے ٹیلی فونک رابطہ کیا، بورس جانسن نے حملوں سے نمٹنے میں سعودی قیادت کی دانشمندی کی تعریف کی۔

برطانوی وزیراعظم کا کہنا تھا کہ برطانیہ سعودی عرب کے ساتھ کھڑا ہے اور ملک کی سلامتی کے لیے پرعزم ہے۔

بورس جانسن نے سعودی ولی عہد محمد بن سلمان کو بین الاقوامی شراکت داروں کے ساتھ مل کر کام کرنے کی ترغیب دی۔

دوسری جانب سعودی ولی عہد محمد بن سلمان نے کہا کہ تخریب کاری کا یہ حملہ ناصرف سعودی عرب بلکہ پوری دنیا کو نقصان پہنچانے کے لیے تھا۔

مزید پڑھیں: سعودی اتحاد کے ترجمان نے تیل تنصیبات پر حملوں کی تفصیلات جاری کردیں

واضح رہے کہ امریکا، چین، برطانیہ، پاکستان اور ترکی سمیت عالمی سطح پر سعودی آئل تنصیبات پر حملے کی مذمت کی گئی ہے۔

یاد رہے کہ 14 ستمبر 2019 کو سعودی عرب عبقیق اور خریص میں واقع دو بڑی آئل فیلڈز پر ڈرون حملے کیے گئے تھے جس کی ذمہ داری حوثی باغیوں کی جانب سے قبول کی گئی تھی۔

امریکا نے براہ راست ان حملوں کا ذمہ دار ایران کو قرار دیا تھا تاہم ایران نے ان الزامات کی تردید کی ہے۔

یاد رہے سعودی عرب میں آئل فیلڈز پر ہونے والے حملوں کے بعد امریکہ کے سیکریٹری خارجہ مائیک پومپیو نے دعویٰ کیا تھا کہ حملے حوثی باغیوں نے نہیں کیے بلکہ ان حملوں میں براہ راست ایران ملوث ہے۔

Comments

comments

یہ بھی پڑھیں