اگر آپ ارب پتی ہیں تو آپ کی کوشش ہوتی ہے کہ آپ کا نجی طیارہ بڑا ہی ہو مگر وزرائے اعظم کیلئے ایسا کرنا سیاسی مخالفت کا باعث بن جاتا ہے۔
ایسی ہی بحث برطانوی وزیراعظم بورس جانسن اور کینیڈین وزیراعظم جسٹن ٹروڈو کے درمیان ہوئی جس میں دونوں رہنماؤں نے اپنے طیارے کو چھوٹا ثابت کرنے کی کوشش کی۔ بورس جانسن اور جسٹن ٹروڈو کے درمیان یہ دلچسپ بحث جرمنی میں ہونے والی جی 7 ممالک کی کانفرنس کے دوران ہوئی۔
دونوں وزرائے اعظم جی 7 کانفرنس میں شرکت کیلئے روانڈا میں ہونے والی کامن ویلتھ کانفرنس میں شرکت کے بعد جرمنی پہنچے جہاں دونوں رہنماؤں کے درمیان ملاقات ہوئی۔
ملاقات کے دوران گفتگو کرتے ہوئے بورس جانسن نے کہا ‘میں نے کینیڈا فورس ون کو دیکھا ہے، وہ ایک بڑا طیارہ ہے’، جس پر جسٹن ٹریڈو نے کہا کہ وہ آپ کے طیارے جتنا بڑا نہیں ہے۔ بورس جانسن نے ایک بار پھر زور دیا کہ نہیں ہمارا طیارہ چھوٹا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں