تاشقند: وسطی اور مشرقی ایشیا میں توانائی کے شعبے کو درپیش چلینجز سے نمٹنے کے لیے پاکستان سمیت نو ممالک نے تاریخی جوائنٹ ڈیکلیریشن پر دستخط کر دیے۔
تفصیلات کے مطابق تاشقند میں سینٹرل ایشیا ریجنل اکنامک کارپوریشن کے زیر اہتمام ہونے والے اجلاس میں پاکستان، ازبکستان، آذربیجان، جارجیا، منگولیا، تاجکستان، کرگستان، قازقستان اور افغانستان کے توانائی کے وزرا اور سنئیر حکام نے دس نکاتی ڈیکلیریشن پردستخط کیے۔
[bs-quote quote=”ایشیا کی توانائی کی ضروریات پوری کرنے کے لئے 2030 تک 400 ارب ڈالر کی سرمایہ کاری درکار ہے” style=”style-8″ align=”left” author_name=”ںائب صدر، ایشیائی ترقیاتی بینک”][/bs-quote]
کانفرنس کا افتتاح ازبکستان کے وزیر توانائی علی شیر سوتانوز نے کیا، اس موقعے ایشیائی ترقیاتتی بینک کے نائب صدر دیواگر گپتا نے کہا کہ ایشیا میں ترقی رفتار تیز کرنے کے لئے توانائی کے شعبے میں تعاون بہت ضروری ہے۔
انھوں نے کہا کہ ایشیا کی توانائی کی ضروریات پوری کرنے کے لئے 2030 تک 400 ارب ڈالر کی سرمایہ کاری درکار ہے، اتنی بڑی سرمایہ کاری نجی شعبے کے تعاون کے بغیر ممکن نہیں۔
سسٹینبل ڈولیپمنٹ گولز کے حصول کے لیے ایشیائی ممالک کو ماحول دوست اور سستی بجلی کے حصول کے لئے کوشش کرنی ہوگی۔
ان کے مطابق کیریک پروگرام کے تحت وسطی اور مغربی ایشیائی ممالک میں 2001 سے اب تک توانائی ، ٹرانسپورٹ اور تجارت کے 196 منصوبوں کی مالی معاونت کی جا چکی، ان منصوبوں پر پروگرام کے تحت 34 ارب پچاس کروڑ ڈالرز کا قرضہ فراہم کیا گیا ہے، جس میں ایشیائی ترقیاتی بینک کا حصہ 12 ارب 80 کروڑ ڈالرز اور باقی دیگر بین الاقوامی مالیاتی اداروں کی جانب سے فراہم کیا گیا ہے.
