The news is by your side.

Advertisement

تمام ایئرپورٹس پر جوائنٹ سرچ بیگج کی عمل داری کو یقینی بنایا جائے، غلام سرور خان

کراچی : وفاقی وزیر براۓ ہوا بازی ،غلام سرور خان نے ہدایات جاری کی ہیں کہ ملک بھر کے ایئرپورٹس پر جوائنٹ سرچ بیگج کی عمل داری کو یقینی بنایا جائے۔

تفصیلات کے مطابق وفاقی وزیر برائے ہوا بازی غلام سرور نے اے آر وائی نیوز کی خبر کا نو ٹس لیتے ہوئے تمام اداروں کو عمل درآمد کرنے سے متعلق احکامات جاری کر دئیے۔

وفاقی وزیر نے ملک بھر کے ایئرپورٹس پر جوائنٹ بیگج سرچ کاؤنٹر کی عملداری میں غفلت کا معاملہ ہونے نوٹس لیا ہے، انہوں نے کہا کہ اے این ایف، محکمہ کسٹمز اور سی اے اے کے قائم کردہ جوائنٹ سرچ بیگج کی عملداری کو یقینی بنایا جائے۔

وفاقی وزیر غلام سرور خان کا کہنا ہے کہ تمام ملکی ایئرپورٹس پر مسافروں کو ہر ممکن سہولیات فراہم کی جائیں۔ انہوں نے اس عزم کا اظہا رکیا کہ ایوی ایشن انڈسٹری کو وزیر اعظم عمران خان کے وژن کے مطابق جدید تقاضوں سے ہم آہنگ کریں گے۔

مزید پڑھیں: مسافروں کی تین تین جگہ تلاشی، سول ایوی ایشن نے نئے احکامات جاری کردیئے

واضح رہے کہ ملک کے مختلف ایئرپورٹس پر بیرون ملک جانے والوں کی تین تین جگہ تلاشی کی شکایت پر سول ایوی ایشن اتھارٹی حکام نے اے این ایف، اے ایس ایف اور کسٹمز کو ایک ہی کاوئنٹر پر تلاشی کی ہدایت جاری کی تھی۔

Comments

comments

یہ بھی پڑھیں