The news is by your side.

Advertisement

کھانا پکانا سیکھنے کے لیے انجلینا جولی فلموں سے دور

ہالی ووڈ کی معروف اداکارہ انجلینا جولی نے کھانا پکانے کی کلاسز لینے اور بچوں کے لیے بہتر ماں ثابت ہونے کے لیے فلموں سے دوری اختیار کرلی۔

حال ہی میں دیے جانے والے ایک انٹرویو میں جولی کا کہنا تھا کہ سابق شوہر بریڈ پٹ سے علیحدگی کے بعد وہ اپنی اور اپنے بچوں کی صحت کے معاملات پر توجہ دے رہی ہیں۔

انہوں نے کہا، ’میری پہلی ترجیح میرا خاندان ہے، اپنی زندگی اور اپنی صحت کی میں خود ذمہ دار ہوں۔ یہی وہ چیز ہے جو ایک عورت کو مکمل بناتی ہے‘۔

فی الحال جولی بطور ہدایت کارہ اپنی فلم ’فرسٹ دے کلڈ مائی فادر‘ کی تشہیری مہم میں مصروف ہیں۔

جولی کا کہنا ہے کہ اس فلم کی پروموشن کے علاوہ وہ اور کسی فلم میں حصہ نہیں لے رہیں۔ انٹرویو میں انہوں نے کہا، ’میں چاہتی ہوں کہ میں اپنے بچوں کو خود ناشتہ بنا کر دوں اور گھر کی دیکھ بھال کروں‘۔

انہوں نے بتایا کہ وہ کوکنگ کی کلاسیں بھی لے ہی ہیں۔

انجلینا جولی نے انکشاف کیا کہ بریڈ پٹ سے علیحدگی کے بعد وہ ہائپر ٹینشن کا شکار ہوگئی تھیں جبکہ انہیں بیلز پالسی نامی مرض بھی لاحق ہوگیا تھا جس میں چہرے کے عضلات کمزور ہوجاتے ہیں اور چہرہ ایک طرف سے ڈھلکنے لگتا ہے، تاہم ایکوپنکچر طریقہ علاج کے بعد اب وہ اس بیماری پر خاصی حد تک قابو پاچکی ہیں۔

مزید پڑھیں: انجلینا جولی کا بریڈ یٹ سے علیحدگی کا فیصلہ

یاد رہے کہ انجلینا جولی اور بریڈ پٹ کے درمیان ایک عرصے سے تعلق قائم تھا۔ دونوں سنہ 2014 میں رشتہ ازدواج میں بھی منسلک ہوئے تاہم گزشتہ برس ستمبر میں یہ تعلق ٹوٹ گیا۔

برینجلینا کہلائے جانے والے اس جوڑے کی تحویل میں 6 عدد بچے ہیں جن میں سے 2 ان کے اپنے جبکہ 4 گود لیے گئے ہیں۔ دونوں اداکاروں کے درمیان طلاق کے بعد اب تمام بچے جولی کے پاس ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں