لندن: برطانوی دارالحکومت لندن میں 10ویں منزل سے 6 سالہ بچے کو نیچے پھینکنے والے شخص کو 15 سال قید کی سزا سنا دی گئی۔
تفصیلات کے مطابق لندن کی ٹیٹ ماڈرن گیلری کی عمارت کی 10ویں منزل سے 6 سالہ بچے کو نیچے پھینکنے والے برطانوی نوجوان کو 15 سال قید کی سزا سنا دی گئی۔
اولڈ بیلی کی عدالت میں جج میکگوان نے ملزم جونٹی بریوری کو سزا سناتے ہوئے کہا کہ اس دن جو کچھ تم نے کیا اس سے یہ بات واضح ہے کہ تم لوگوں کے لیے ایک سنگین خطرہ ہو۔
خیال رہے کہ 6 سالہ بچہ فرانس سے لندن سیر کرنے اپنے والدین کے ساتھ آیا تھا،عدالت میں پیش کی جانے والی ویڈیو کے مطابق مجرم نے بچے کو اٹھایا اور بغیر کسی ہچکچاہٹ وہ جنگلے کی طرف گیا اور اسے جنگلے کے اوپر سے نیچے پھینک دیا، بچہ سر کے بل پانچویں منزل کی بالکونی پر آگرا۔
ماں نے نومولود بچے کو کھڑکی سے باہر کیوں پھینکا؟
یاد رہے کہ گزشتہ ہفتے برازیل کے شہر ساؤ پالو میں افسوس ناک واقعہ پیش آیا تھا جہاں 20 سالہ ماں نے بچے کو جنم دینے کے بعد اپارٹمنٹ کی کھڑکی سے نیچے پھینک دیا تھا جس کے نتیجے میں نوزائیدہ بچہ جان کی بازی ہار گیا تھا۔
