The news is by your side.

Advertisement

اردن نے افغان شہریوں کو بڑی خوشخبری سنادی

امان: قطر، کویت اور متحدہ عرب امارات کے بعد اردن نے بھی افغان شہریوں سے متعلق بڑا فیصلہ کیا ہے۔

میڈیا رپورٹ کے مطابق اردن نے بھی امریکا جانے والے افغان شہریوں کی عارضی میزبانی کی منظوری دی ہے۔

سبق ویب سائٹ کے مطابق اردنی وزارت خارجہ کے ترجمان ضیعف اللہ الفایز نے بتایا کہ ’یہ فیصلہ خالص انسانی بنیادوں پر کیا گیا ہے، انہوں نے بتایا کہ امریکا کے ساتھ اردن کے راستے جانے والے افغان شہریوں کے سفر کا طریقہ کار طے پا گیا ہے، فیصلے سے ڈھائی ہزار افغان شہر مستفیذ ہونگے۔

گذشتہ روز افغان دارالحکومت کابل سمیت کئی شہروں میں جاری بے یقینی صورت حال کے باعث اقوام متحدہ نے بھی افغانستان سے رخت سفر باندھا ہے۔

میڈیا رپورٹ کے مطابق اقوام متحدہ نے گذشتہ روز ایک سو بیس افراد کو کابل سے قازقستان کے شہر آلماتی روانہ کیا، یہ تعداد بدھ کے روز افغانستان چھوڑنے والے ارکان کے علاوہ ہیں۔

واضح رہے کہ افغانستان ان دنوں انسانی بحران کا شکار ہے، اس کے حل میں مدد کے طور پر افغانیوں کی عارضی میزبانی کی جائے گی،جس کے لئے قطر آٹھ ہزار، کویت پانچ ہزار، متحدہ عرب امارات پانچ ہزار اور کینیڈا بیس ہزار افغانیوں کی عارضی میزبانی کی منظوری دے چکے ہیں۔

Comments

یہ بھی پڑھیں