جمعہ, فروری 7, 2025
اشتہار

کراچی میں نامعلوم افراد کی فائرنگ، صحافی شعیب برنی زخمی

اشتہار

حیرت انگیز

کراچی : نامعلوم افراد کی فائرنگ سے صحافی شعیب برنی زخمی ہو گئے، پولیس نے واقعے کی تفتیش شروع کر دی ہے۔

تفصیلات کے مطابق کراچی میں راشد منہاس روڈ پر نامعلوم افراد کی جانب سے فائرنگ سے صحافی شعیب برنی زخمی ہو گئے۔

پولیس نے بتایا کہ جب شعیب برنی شادی کی تقریب میں ہال جانے کے لیے گاڑی سے اتر رہے تھے، اس ہی دوران موٹر سائیکل پر سوار دو نامعلوم افراد نے شعیب کی گاڑی پر فائرنگ کی، جس سے وہ زخمی ہوگئے۔

شعیب برنی کو فوری طور پر گلشن اقبال میں واقع نجی ہسپتال منتقل کیا گیا ، ڈاکٹرز کے مطابق شعیب برنی کے ہاتھ پر گولی لگی ہے اور حالت خطرے سے باہر ہے۔

پولیس حکام کا کہنا ہے کہ کوئی چیز چھینی نہیں گئی،واقعہ بظاہرٹارگٹ کلنگ لگتاہے ،تاہم فائرنگ کے واقعے کی تحقیقات شروع کر دی گئی ہیں۔

آئی جی سندھ نے واقعے کا نوٹس لیتے ہوئے ڈی ائی جی ویسٹ سے رپورٹ طلب کر لی ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں