The news is by your side.

Advertisement

کراچی سے لا پتا ہونے والا صحافی گھر پہنچ گیا

کراچی: شہر قائد سے گزشتہ روز لا پتا ہونے والے صحافی نفیس نعیم گھر واپس پہنچ گئے۔

تفصیلات کے مطاق کراچی کے علاقے ناظم آباد سے لاپتا ہونے والے آج نیوز کے اسائنمنٹ ایڈیٹر نفیس نعیم گھر واپس پہنچ گئے ہیں۔

اہل خانہ نے نفیس نعیم کی گھر واپسی کی تصدیق کر دی ہے، ان کو گزشتہ روز گھر کے قریب سے نا معلوم افراد اٹھا کر لے گئے تھے، نفیس نعیم کے مبینہ اغوا کی پی ایف یو جے سمیت صحافتی تنظیموں نے مذمت اور فوری بازیابی کا مطالبہ کیا تھا۔

صحافی کے مبینہ اغوا کا معاملہ سامنے آنے پر وزیر داخلہ رانا ثنا اللہ نے بھی نوٹس لے لیا تھا، انھوں نے آئی جی سندھ غلام نبی میمن سے ٹیلی فونک رابطہ کر کے نفیس نعیم کی جلد بازیابی کی ہدایت کی تھی۔

وزیر داخلہ نے پولیس اور متعلقہ اداروں کو ہدایت کرتے ہوئے کہا نفیس نعیم کی بازیابی کے لیے تمام وسائل کو بروئے کار لایا جائے، وفاقی حکومت اس سلسلے میں سندھ پولیس کو ہر قسم کی تکنیکی معاونت فراہم کرے گی۔

اے آر وائی نیوز کے مطابق آئی جی سندھ غلام نبی میمن نے وزیر داخلہ کو نفیس نعیم کو جلد بازیاب کرانے کی یقین دہانی کرائی تھی۔

وزیر داخلہ کا کراچی سے اغوا ہونے والے صحافی کی فوری بازیابی کا حکم

کراچی پریس کلب کے صدر فاضل جمیلی نے بیان میں کہا تھا کہ پیر کے روز نفیس نعیم کو نامعلوم سادہ لباس اہل کار اس وقت اپنے ہمراہ لے گئے جب وہ ناطم آباد میں واقع اپنے گھر کے قریب مارکیٹ سے سودا سلف خرید رہے تھے۔ اس سلسلے میں ایک سی سی ٹی وی فوٹیج بھی سامنے آ چکی ہے، جس میں نفیس نعیم کو پکڑ کر گاڑی میں ڈالتے دیکھا جا سکتا ہے۔

انھوں نے کہا کہ سینئر صحافی کا دن دہاڑے اغوا لا قانونیت کی انتہا اور اس سلسلے کی کڑی ہے جس کا شکار ملک بھر میں صحافی مسلسل ہو رہے ہیں۔

Comments

یہ بھی پڑھیں