The news is by your side.

اے آر وائی نیوز کی بندش : صحافتی تنظیمیں آج ملک بھر میں پیمرا دفاتر کے باہر احتجاج کریں گی

اسلام آباد: اے آر وائی نیوز کی بندش کے خلاف صحافتی تنظیمیں آج ملک بھر میں پیمرا دفاتر کے باہر احتجاج کریں گی۔

تفصیلات کے مطابق اے آر وائی نیوز کی بندش کے خلاف پاکستان فیڈرل یونین آف جرنلسٹس ( پی ایف یو جے) کی جانب سے ملک بھر میں پیمرا دفاتر کے باہر احتجاجی مظاہروں کا سلسلہ آج سے شروع کیا جارہا ہے۔

اسلام آباد میں پی ایف یو جے کے زیر اہتمام پیمرا ہیڈ آفس کے باہراحتجاج کیا جائے گا، جس میں صحافتی تنظیموں کے رہنماؤں اور کارکنوں کی بڑی تعداد مظاہرے میں شریک ہوگی۔

کراچی میں بھی اے آر وائی نیوز کی بحالی تک جدوجہد جاری رکھنے کاعزم ظاہرکیا گیا ہے۔

صحافتی تنظیمیں اور اے آر وائی ورکرز پیر تا جمعہ روزانہ دن ایک بجکر تیس منٹ پر بوٹ بیسن کلفٹن پر واقع پیمرا آفس پر احتجاجی مظاہرہ کریں گے۔

پنجاب یونین آف جرنلسٹس کی جانب سے آج دن ایک بجے پیمرا آفس لاہورکے سامنے احتجاج کیا جائے گا۔

خیال رہے اے آر وائی نیوز کی بندش کوانیس دن گزرگئے، ملک بھرمیں مظاہرے اور ریلیاں جاری ہے، صحافیوں کا کہنا ہے کہ اے آر وائی کو حق دکھانے اور سچ بتانے پر جبری بندش کا نشانہ بنایا جا رہا ہے۔

Comments

یہ بھی پڑھیں