گلگت بلتستان، آزاد کشمیر اور ہزارہ ڈویژن کے صحافیوں کا آئی ایس پی آر کا دورہ -
The news is by your side.

Advertisement

گلگت بلتستان، آزاد کشمیر اور ہزارہ ڈویژن کے صحافیوں کا آئی ایس پی آر کا دورہ

راولپنڈی: گلگت بلتستان، آزاد کشمیر اور ہزارہ ڈویژن کے صحافیوں نے آئی ایس پی آر کا دورہ کیا جہاں انہیں لائن آف کنٹرول کی صورتحال اور بھارتی سیز فائر کی خلاف ورزیوں سے آگاہ کیا گیا۔

تفصیلات کے مطابق گلگت بلتستان، آزاد کشمیر اور ہزارہ ڈویژن کے صحافیوں نے پاک فوج کے شعبہ تعلقات عامہ آئی ایس پی آر کا دورہ کیا۔ صحافیوں کے وفد نے آئی ایس پی آر کے سربراہ میجر جنرل آصف غفور سے ملاقات کی اور مختلف امور پر تبادلہ خیال کیا۔

آئی ایس پی آر کے مطابق ڈی جی آئی ایس پی آر نے لائن آف کنٹرول کی صورتحال اور بھارتی سیز فائر کی خلاف ورزیوں سے آگاہ کیا۔

ڈی جی آئی ایس پی آر نے کہا کہ پاک فوج ایل او سی کے اس پار کشمیریوں کی حفاظت کے پیش نظر جوابی کارروائی میں احتیاط کرتی ہے، بھارتی فائرنگ کا مؤثر اور پیشہ ورانہ انداز میں جواب دیا جاتا ہے۔

انہوں نے بتایا کہ پاک فوج کا جواب بھارتی چوکیوں کو نشانہ بنانے تک ہوتا ہے۔

ڈی جی آئی ایس پی آر کا کہنا تھا کہ پاکستان امن کا خواہاں ہے، مہم جوئی کے بھرپور جواب کی صلاحیت ہے۔

Comments

comments

یہ بھی پڑھیں