پاکستانی گانوں کا ریمیک بنا کر شہرت حاصل کرنے والے بھارتی گلوکار جوبن نوتیال افسوسناک حادثے کا شکار ہوگئے۔
بھارتی میڈیا کی رپورٹس کے مطابق جوبن نوتیال بلڈنگ کی سیڑھیاں اترتے ہوئے پاؤں پھسل جانے کی وجہ سے گر گئے۔
حادثے کے بعد گلوکار کو فوری طور پر اسپتال منتقل کیا گیا۔ سیڑھیوں سے گرنے کی وجہ سے ان کی کہنی اور پسلیاں ٹوٹ گئیں جبکہ سر پر بھی چوٹ آئی ہے۔
ڈاکٹر نے جوبن نوتیال کو سیدھے ہاتھ کو حرکت دینے سے بالکل منع کر دیا۔ ان کے ہاتھ کی سرجری کی جائے گی۔
جوبن نوتیال نے کئی پاکستانی گانوں کے ریمیک بنا کر شہرت حاصل کی۔ اس کے علاوہ انہوں نے ’لٹ گئے‘، ’ہمنوا میرے‘، ’راتاں لمبیاں‘، ’تم ہی آنا‘ اور ’تجھے کتنا چاہنے لگے‘ جیسے گانے بھی گائے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں