ٹرمپ یونیورسٹی کیس: عدالت کاڈونلڈ ٹرمپ کو2کروڑ50 لاکھ ڈالرادا کرنےکاحکم -
The news is by your side.

Advertisement

ٹرمپ یونیورسٹی کیس: عدالت کاڈونلڈ ٹرمپ کو2کروڑ50 لاکھ ڈالرادا کرنےکاحکم

واشنگٹن : امریکی عدالت نے ٹرمپ یورنیورسٹی کیس میں صلح نامے کی توثیق کرتے ہوئےامریکی صدر ٹرمپ کو2کروڑ50 لاکھ ڈالرادا کرنے کا حکم دے دیا۔

تفصیلات کےمطابق امریکی عدالت کےجج نے امریکی صدر ڈونلڈ ٹرمپ کو ٹرمپ یونیورسٹی کیس میں صلح نامے کے لیے ڈھائی کروڑ ڈالر اداکرنے کا حکم سنادیا۔

ٹرمپ یونیورسٹی کےطلبا کا کہنا تھا کہ ان سےغلط بیانی کرکےزیادہ فیسیں وصول کی گئیں کہ انہیں ٹرمپ کےسرمایہ کاری کرنےکےراز بتائے جائیں گےجبکہ ایسا نہیں ہوا۔

ٹرمپ یونیورسٹی کی جانب سے طالب علموں سے35ہزار ڈالرز کی فیس وصولی گئی۔اس حوالےسےڈونلڈ ٹرمپ کوانتخابی مہم میں بھی تنقید کا سامنا رہا۔


مزید پڑھیں:ڈونلڈ ٹرمپ کا یونیورسٹی مقدمات میں سمجھوتہ


خیال رہےکہ ڈونلڈٹرمپ کی یونیورسٹی کےخلاف 3 مقدمات 2010 میں دائر کیے گئے تھے۔ان میں سے 2مقدمات سان تیاگو کی عدالت میں تھے جبکہ ایک نیو یارک کی عدالت میں تھا۔

یاد رہےکہ اس سے قبل ڈونلڈ ٹرمپ نے یونیورسٹی مقدمات میں مفاہمت نہ کرنے کاارادہ ظاہرکیاتھااوران کا کہناتھا کہ وہ ہی یونیورسٹی کیس جیتیں گے۔


مزید پڑھیں:وائٹ ہاؤس کےقریب سےمشتبہ شخص گرفتار


واضح رہےکہ دو روز قبل وائٹ ہاؤ س کےقریب سے سیکورٹی حکام نے ایک مشتبہ شخص کو مشکوک پیکٹ کے ساتھ گرفتارکرلیاتھا۔

Comments

comments

یہ بھی پڑھیں