The news is by your side.

Advertisement

جج بلیک میلنگ کیس : پاکستانی ہائی کمیشن نے ناصر بٹ کو گرفتاری کے سمن وصول کرا دیے

لندن : پاکستان کے ہائی کمیشن نے جج بلیک میلنگ کیس کے مرکزی کردار ناصر بٹ کو گرفتاری کے سمن وصول کرا دیے وہ ویڈیو فرانزک رپورٹ کی تصدیق کرانے ہائی کمیشن آئے تھے۔

تفصیلات کے مطابق جج بلیک میلنگ ویڈیو اسکینڈل لندن پہنچ گیا، ویڈیو اسکینڈل کیس میں اہم پیشرفت سامنے آئی ہے، اسکینڈل کے مرکزی کردار ناصر بٹ جب فرانزک ریکارڈ کے ہمراہ لندن میں پاکستانی ہائی کمیشن پیش ہوئے تو ناصر بٹ کو گرفتاری کے سمن وصول کرا دیے گئے۔

یاد رہے کہ ناصر بٹ نے برطانیہ کی دو ڈیجیٹل فرم سے ویڈیو کی فرانزک کرا لی ہے۔ پاکستان کی عدالت میں برطانیہ سے شواہد بجھوانے کیلئے ہائی کمیشن سے تصدیق لازمی ہے۔

ذرائع کا کہنا ہے کہ دونوں برطانوی فرم نے ویڈیو کے درست ہونے کی تصدیق کی ہے۔ اور ماہرین نے ویڈیو کو درست قرار دے دیا ہے۔

واضح رہے کہ ناصر بٹ نواز شریف کی لندن موجودگی کے موقع پر تمام انتظامات کا ذمہ دار رہا ہے، برطانوی شہریت کا حامل ناصر بٹ مبینہ قتل کی وارداتوں کے بعد برطانیہ فرار ہوا، ن لیگ دور میں ناصر بٹ کو لندن سے واپس بلایا گیا اور اس کے خلاف مقدمات نمٹائے جاتے رہے۔

اس کے علاوہ مریم نواز کی جانب سے جاری کردہ احتساب عدالت کے جج ارشد ملک کی مبینہ ویڈیو میں کہا جا رہا ہے کہ نواز شریف کے ساتھ زیادتی اور نا انصافی ہوئی۔ یہ مبینہ ویڈیو جج ارشد ملک اور ناصر بٹ نامی شخص کی ہے۔

Comments

comments

یہ بھی پڑھیں