The news is by your side.

Advertisement

جج بلیک میلنگ اسکینڈل : مرکزی ملزم ناصر بٹ کا بیٹا گرفتار

اسلام آباد : جج بلیک میلنگ اسیکنڈل میں مرکزی ملزم ناصربٹ کے بیٹےحمزہ کوگرفتارکرلیاگیا،جس کے بعد اسلام آبادکی عدالت نےحمزہ کو دو روزہ جسمانی ریمانڈ پر ایف آئی اے کے حوالے کردیا۔

تفصیلات کے مطابق جج بلیک میلنگ اسیکنڈل کی تحقیقات میں نئی پیشرفت سامنے آئی ، ایف آئی اے کی ٹیم نے اسلام آباد کے سیکٹرجی تھرٹین میں مرکزی ملزم ناصر بٹ کے دفتر پر چھاپہ مارکراس کےانتیس سالہ بیٹے کوگرفتار کرلیا۔

ایف آئی اے نےناصربٹ کی رہائش گاہ پر بھی چھاپہ مارا اوراس کے بھائی شعیب بٹ کو بھی حراست میں لیا، شعیب بٹ کو ان کے لیپ ٹاپ سے متعلق پوچھ گچھ کے بعد چھوڑ دیا گیا۔

بعد ازاں مرکزی ملزم ناصر بٹ کےبیٹےحمزہ بٹ کو اسلام آباد کی عدالت میں پیش کیاگیا ، عدالت نے ملزم حمزہ بٹ کا 2 روزہ جسمانی ریمانڈ منظورکرتے ہوئے ایف آئی اے کے حوالے کردیا۔

مزید پڑھیں : جج بلیک میلنگ کیس : پاکستانی ہائی کمیشن نے ناصر بٹ کو گرفتاری کے سمن وصول کرا دیے

یاد رہے چند روز قبل پاکستان کے ہائی کمیشن نے جج بلیک میلنگ کیس کے مرکزی کردار ناصر بٹ کو گرفتاری کے سمن وصول کرا دیے تھے وہ ویڈیو فرانزک رپورٹ کی تصدیق کرانے ہائی کمیشن آئے تھے۔

واضح رہے مریم نواز پریس کانفرنس میں احتساب عدالت کے جج کی خفیہ کیمرے سے بنی مبینہ ویڈیو سامنے لے آئیں تھیں ، جاری کردہ احتساب عدالت کے جج ارشد ملک کی مبینہ ویڈیو میں کہا جارہا ہے کہ نوازشریف کےساتھ زیادتی اورناانصافی ہوئی۔

بعد ازاں جج ارشدملک نے کہا تھا ان کےخلاف پروپیگنڈا کیاجا رہا ہے اور انھیں بلاوجہ بدنام کیا جارہا ہے، حلفیہ کہتا ہوں میرا اس ویڈیو سے کوئی تعلق نہیں، ویڈیو کوایڈٹ کرکےچلایا گیاہے۔

Comments

comments

یہ بھی پڑھیں