اسلام آباد : تحریک انصاف کے رہنماؤں کیخلاف جوڈیشل کمپلیکس میں توڑ پھوڑ سے متعلق مقدمے میں رہنماؤں کی عبوری ضمانت میں 2 مئی تک توسیع کردی گئی۔
تفصیلات کے مطابق انسداد دہشت گردی عدالت میں پی ٹی آئی رہنماؤں کے خلاف جوڈیشل کمپلیکس میں توڑ پھوڑ کا کیس کی سماعت ہوئی۔ اس موقع پر زلفی بخاری، اعظم سواتی، عمرایوب، عامر کیانی، راجہ خرم اے ٹی سی میں پیش ہوئے۔
انسداد دہشت گردی کی عدالت میں ان کے وکلا علی بخاری، نعیم پنجوتھہ اور سردار مصروف پر مبنی لیگل ٹیم بھی موجود تھی۔
بعد ازاں اے ٹی سی جج راجا جواد عباس کی رخصت کے باعث پی ٹی آئی رہنماؤں حسان نیازی، فرخ حبیب، اسدعمر، اسد قیصر، شبلی فراز، عامر کیانی، حماداظہر، عمر ایوب، اور اعظم سواتی کی عبوری ضمانت میں 2 مئی تک توسیع کرتے ہوئے سماعت ملتوی کر دی گئی۔
واضح رہے کہ پی ٹی آئی رہنماؤں کے خلاف عمران خان کی پیشی کے موقع پر ہنگامہ آرائی کے معاملے میں تھانہ سی ٹی ڈی اور تھانہ گولڑہ میں انسدادِ دہشت گردی ایکٹ کے تحت مقدمات درج ہیں۔
