The news is by your side.

Advertisement

سانحہ کوئٹہ کے خلاف جمعیت علمائے اسلام کا چمن میں مظاہرہ

کوئٹہ: جمعیت علماء اسلام ف کے رہنماؤں نے کہا ہے کہ پولیس ٹریننگ سینڑ پر حملہ انتہائی افسوسناک اور ناقابل برداشت ہے اس کی جتنی مذمت کی جائے کم ہے۔

تفصیلات کے مطابق چمن میں سانحہ کوئٹہ پولیس ٹریننگ سینٹر دہشت گردی کے واقع کے خلاف جمعیت علمائے اسلام (فضل الرحمن) کی جانب سے مظاہرہ وجلسہ کیاگیا، مظاہرے میں شریک شرکاء نے پلے کارڈز اور بینرز اٹھا رکھے تھے جن پر دہشت گردی کے خلاف نعرے درج تھے۔

اس موقع پر جمعیت علمائے اسلام (فضل الرحمن) کے رہنماؤں نے کہا کہ پولیس ٹریننگ سینٹر پر حملہ ناقابل برداشت اور انتہائی افسوسناک ہے اس کی جتنی مذمت کی جائے کم ہے۔

انہوں نے کہا کہ کوئٹہ میں معصوم اور بے گناہ لوگوں کا خون بہانے والے ظالموں کا اسلام یا پاکستان سے کوئی تعلق نہیں ہے، سانحہ کوئٹہ نے دہشت گردی کے خلاف جنگ میں ہمارے عزم کو مزید مضبوط کیا ہے۔

یاد رہے رواں ہفتے کوئٹہ میں واقعہ پولیس ٹریننگ سینٹر پر دہشت گردوں نے حملہ کر کے 62 کیڈیٹز کو جاں بحق اور متعدد کو زخمی کیا تھا تاہم سیکیورٹی فورسز نے بروقت کارروائی کرتے ہوئے سینٹر میں موجود محصور اہلکاروں کو حفاظت سے باہر نکالا۔

وزیر داخلہ بلوچستان نے واقعے کی تفصیلات سے آگاہ کرتے ہوئے کہا تھا کہ کالعدم جماعت لشکر جھنگوی العالمی نے اس حملے کی ذمہ داری قبول کی ہے اور کارروائی کے دوران دہشت گردوں کو افغانستان سے ہدایات دی جارہی تھیں۔

Comments

comments

یہ بھی پڑھیں