The news is by your side.

Advertisement

جے یو آئی ف کا دھرنا، پولیس نے صرف 3 دن کے سیکیورٹی اخراجات کیلئے15کروڑمانگ لئے

اسلام آباد : جے یو آئی ف کے دھرنے کے پیش نظر وفاقی پولیس نے صرف 3 دن کے سیکیورٹی اخراجات کیلئے15کروڑمانگ لئے ہیں ، اس سے قبل پولیس نے 25 کروڑ مانگے تھے ، جسے وزارت داخلہ نےمستردکردیاتھا۔

تفصیلات کے مطابق اسلام آباد پولیس نے جے یو آئی ف کے دھرنے کے پیش نظر سیکیورٹی اخراجات کیلئے پولیس نے 15 کروڑ مانگ لئے، 15 کروڑ روپے کی اضافی رقم صرف 3 دن کیلئے ہوگی، دھرنے کی مدت بڑھنے پر رقم بھی بڑھ جائے گی۔

ذرائع کا کہنا ہے کہ اس سے قبل پولیس نے 25 کروڑ مانگے تھے ، جسے وزارت داخلہ نےمستردکردیاتھا، تین دن کھانا،رہائش،پیٹرول،کنٹینرزودیگراخراجات شامل ہوں گے، پہلی سمری میں 6 سو کنٹینرز تھے ، جسے وزارت داخلہ کی ہدایت پر4 سو کردیا گیا۔

ذرائع کے مطابق دیگرصوبوں اور آزاد کشمیر سے پولیس و ایف سی کے 20 ہزار جوان مانگے گئے ہیں۔

مزید پڑھیں : جے یو آئی ف کا ممکنہ دھرنا، اسلام آباد پولیس کی چھٹیاں منسوخ

یاد رہے آئی جی اسلام آباد محمد عامر ذوالفقار خان نے جے یو آئی ف کے ممکنہ دھرنے کے پیش نظر اسلام آباد پولیس کی چھٹیاں منسوخ کر دیں تھیں ، اہلکار انتہائی ایمرجنسی کی صورت میں ہی چھٹی کر سکیں گے۔

اس سے قبل وفاقی پولیس نے ممکنہ احتجاج و دھرنے سے نمٹنے کے لئیے تیاریاں شروع کر دیں اور اسلام آباد پولیس نے دوسرے صوبوں سے بیس ہزار پولیس کی نفری طلب کر لی ہے۔

ترجمان پولیس کا کہنا تھا کہ رواں ماہ ممکنہ احتجاج سے نمٹنے کے لئے اہلکاروں کی ٹریننگ روزانہ کی بنیاد پر جاری ہے، دارلحکومت کا امن و امان خراب کرنے کی اجازت کسی بھی طور پر نہیں دی جائے گی ۔

واضح رہے جے یو آئی (ف) نے 27 اکتوبر کو اسلام آباد کی طرف مارچ کا اعلان کیا ہے، مولانا فضل الرحمان کا کہنا تھا کہ مظاہروں کے ساتھ اسلام آباد کی طرف آزادی مارچ شروع ہوگا۔

جمعیت علمائے اسلام (ف) کے سربراہ مولانافضل الرحمان کا کہنا تھا کہ اسلام آباد جانا ہمارا آخری اور حتمی فیصلہ ہے، اب یہ جنگ حکومت کے خاتمے پر ہی ختم ہوگی، ہماری جنگ کا میدان پورا ملک ہوگا، ملک بھر سے انسانوں کا سیلاب آرہا ہے۔

Comments

comments

یہ بھی پڑھیں