The news is by your side.

Advertisement

جے یو آئی (ف) نے اسلام آباد کے ڈی چوک پر آزادی مارچ کی اجازت مانگ لی

اسلام آباد : جمعیت علمائے اسلام (ف)  نے اسلام آباد کے ڈی چوک پر آزادی مارچ کی اجازت مانگ لی ، درخواست مولانا عبدالغفور حیدری نے جمع کرائی ، جس میں کہا ڈی چوک پر آزادی مارچ شرکا کیلئے ضروری اقدامات کئے جائیں۔

تفصیلات کے مطابق جمعیت علمائے اسلام (ف)  کی جانب سے 27 اکتوبر کو ڈی چوک میں آزادی مارچ کیلئےدرخواست دے دی گئی ، مولانا عبدالغفور حیدری کی جانب سےچیف کمشنر اسلام کو درخواست جمع کروائی۔

درخواست میں کہا گیا ہے کہ جمیعت علمائےاسلام آزادی مارچ نکالنے کا جمہوری اور آئینی حق رکھتی ہے ، امیر جے یو آئی مولانا فضل الرحمن کی زیرقیادت مارچ میں کارکنان کی بڑی تعداد شامل ہوگی، ڈی چوک میں آزادی مارچ کے شرکاء کی سیکورٹی کے لئے ضروری اقدامات کئے جائیں ۔

دوسری جانب اسلام آباد پولیس نے ممکنہ احتجاج اوردھرنےسےنمٹنےکی تیاریاں شروع کردی ہے ، اینٹی رائٹس یونٹ کاپولیس لائن ہیڈکوارٹرزمیں تربیتی سیشن اور جوانوں کومجمع کو کنٹرول کرنے کی مشقیں کرائی گئی۔

خیال رہے حکومت کی جانب سے جے یو آئی کے آزادی مارچ کی بھرپور مخالفت کی جارہی ہے اپوزیشن جماعتیں پیپلز پارٹی اور ن لیگ آزادی مارچ کی سیاسی و اخلاقی حمایت کر رہی ہیں۔

مزید پڑھیں : مولانا فضل الرحمان کا 27 اکتوبر کو اسلام آباد کی طرف آزادی مارچ کا اعلان

واضح رہے جے یو آئی (ف) نے 27 اکتوبر کو اسلام آباد کی طرف مارچ کا اعلان کیا ہے، مولانا فضل الرحمان کا کہنا تھا کہ مظاہروں کے ساتھ اسلام آباد کی طرف آزادی مارچ شروع ہوگا۔

جمعیت علمائے اسلام (ف) کے سربراہ مولانافضل الرحمان کا کہنا تھا کہ اسلام آباد جانا ہمارا آخری اور حتمی فیصلہ ہے، اب یہ جنگ حکومت کے خاتمے پر ہی ختم ہوگی، ہماری جنگ کا میدان پورا ملک ہوگا، ملک بھر سے انسانوں کا سیلاب آرہا ہے

Comments

comments

یہ بھی پڑھیں