تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

جے یوآئی نے آرٹیکل 63 اے کو غیر جمہوری قرار دے دیا

اسلام آباد : جمعیت علماء اسلام (جے یو آئی) نے آرٹیکل 63 اے غیر جمہوری قرار دے دیا اور کہا اسپیکر کو اراکین کے ووٹ مسترد کرنے کا اختیار نہیں دیا جاسکتا، سپریم کورٹ نے رائے دی تو الیکشن کمیشن فورم غیر مؤثرہوجائے گا۔

تفصیلات کے مطابق جمعیت علماء اسلام (جے یو آئی) نے صدارتی ریفرنس پر جواب سپریم کورٹ میں جمع کرا دیا، جس میں کہا ہے کہ پی ٹی آئی میں پارٹی الیکشن نہیں ہوئے، جماعت سلیکٹڈ عہدیدارچلا رہے ہیں، سلیکٹڈ عہدیدار آرٹیکل63اے کے تحت ووٹ کیلئے ہدایت نہیں کرسکتے۔

جے یو آئی کا کہنا تھا کہ اسپیکر کو اراکین کے ووٹ مسترد کرنے کا اختیار نہیں دیا جا سکتا، لازمی نہیں عدم اعتماد پر ووٹنگ سے پہلے ہی ریفرنس پررائے دی جائے۔

جواب میں کہا گیا ہے کہ کسی رکن کیخلاف نااہلی کا کیس بنا تو سپریم کورٹ تک معاملہ آنا ہی ہے، سپریم کورٹ نے پہلے رائے دی تو الیکشن کمیشن فورم غیر مؤثر ہوجائے گا۔

جے یو آئی کا کہنا تھا کہ آرٹیکل 63 اے پہلے ہی غیر جمہوری ہے، آزاد جیت کر شامل ہونیوالوں کی نشست بھی پارٹی کی پابند ہوجاتی ہے، ریفرنس سےلگتا ہے صدر،وزیراعظم ،اسپیکر ہمیشہ صادق وامین رہیں گے۔

تحریری جواب کے مطابق پارٹی کیخلاف ووٹ پر تاحیات نااہلی کمزورجمہوریت کو مزید کم ترکرے گی، عدالت پارلیمنٹ کی بالادستی ختم کرنے سے اجتناب کرے۔

خیال رہے سپریم کورٹ میں آرٹیکل63 اے کی تشریح کیلئے صدارتی ریفرنس پر سماعت آج ہوگی ، چیف جسٹس کی سربراہی میں سپریم کورٹ کا پانچ رکنی لارجربنچ سماعت کرے گا۔

Comments

- Advertisement -