The news is by your side.

Advertisement

موبائل فون کے ذریعے جوسر چلائیں، کراچی کے4طلباء کا بڑا کارنامہ

کراچی : اس جدید دنیا کی سائنسی ایجادات نے انسان کی زندگی میں بہت سی آسانیاں پیدا کردی ہیں جس کی وجہ سے گھنٹوں کا کام منٹوں میں ہونے لگا ہے اور مشقت میں بھی کمی ہوئی ہے۔

اس سلسلے میں کراچی کے چار طلباء نے ایک ایسی جوسر مشین تیار کی ہے جس کی بدولت آپ اپنے موبائل فون کے ذریعے اس مشین سے مطلوبہ جوس نکال سکتے ہیں۔

اس مشین کی خاص بات یہ ہے کہ جو بھی جوس آپ پینا چاہیں گے مشین وہی جوس نکال کر دے گی، آپ کو صرف اپنے موبائل فون کے بلو ٹوتھ  سے جوسر مشین کو کمانڈ دینی ہے۔

اے آر وائی نیوز کے پروگرام باخبر سویرا میں یونیورسٹی کے طالب علم محمد معاذ خان اور ان کے استادرمضان علی نے شرکت کی اور اس اس کاوش کے بارے میں سننے والوں کو آگاہ کیا۔

معاذ نے بتایا کہ ہمارا ای سمسٹر پروجیکٹ تھا جس کیلیے سر نے ہمیں اسائمنٹ دیا کہ آپ نے کوئی ٹیکنیکل لیول کی نئی چیز تیار کرنی ہے۔

ٹیچر رمضان علی نے بتایا کہ مالی مشکلات کے باعث اس طرح کے پروجیکٹ بنتے نہیں ہیں اس بار ہ نے ہمت کی اور اس پروجیکٹ کو مکمل کیا، انہوں نے کہا کہ حکومتی سطح پر معاونت کی جائے تو ہم اسے مزید بہتر بنا سکتے ہیں۔

Comments

یہ بھی پڑھیں