The news is by your side.

Advertisement

جنید جمشید کے صاحبزادے کا والد کو جذباتی کلام سے خراج تحسین

کراچی: طیارہ حادثے میں جاں بحق ہونے والے معروف ثناء خواں جنید جمشید کے صاحبزادے بابر جنید ’میرے بابا‘ گا کر اپنے والد کو جذباتی انداز میں خراج عقیدت پیش کیا۔

تفصیلات کے مطابق جنید جمشید کے صاحبزادے نے جس گانے کے ساتھ اپنے والد کو خراج عقید پیش کیا اُس کے کمپوزر کاشان ادمانی جبکہ ڈائریکٹر سید ذیشان احمد ہیں۔

اس گانے کو ’پیارے بابا‘ کا نام دیا گیا ہے جبکہ اس کے بول پیارے بابا کیوں چلے گئے ہوں، چھوڑ کے مجھ کو تم کیوں تتہاء یوں چلے گئے ہو، خراج عقیدت پیش کرنے کی ویڈیو جنید جمشید کے آفیشل پیچ پر شیئر کی گئی ہے۔

بابر جنید نے اپنے والد کو خراج عقیدت پیش کرتے ہوئے گانے میں جنید جمشید کی ڈانٹ ڈپٹ اور سختی کا بھی تذکرہ کیا اور ساتھ ہی اس عزم کا اظہار کیا کہ وہ بابا کے فلاحی کاموں کو جاری رکھیں گے۔

 خیال رہے 7 دسمبر 2016 کو ایبٹ آباد میں مقام حویلیاں کے مقام پر چترال سے اسلام آباد جانے والی پرواز پی کے 661 کو حادثہ پیش آیا تھا جس کے نتیجے میں جنید جمشید سمیت 48 افراد جاں بحق ہوئے تھے۔

واضح رہے معروف مبلغ جنید جمشید کی پیدائش 3 ستمبر 1964 کو کراچی میں ہوئی، والد کا تعلق پاکستان ائیرفورس سے ہونے کے باعث آپ کے والد نے ابتدائی طور پر کوشش کی کہ آپ کو اُسی شعبے سے وابستہ رکھا جائے۔

یہ بھی پڑھیں: جنید جمشید کے صاحبزادوں نے نعت خوانی کا باقاعدہ آغازکردیا

دورہِ طالب علمی میں میوزک سے لگاؤ ہونے کے بعد دوستوں کے ساتھ مل کر ایک بینڈ تشکیل دیا، جس نے 1983 میں پشاور اور پھر اسلام آباد یونیورسٹی میں اپنی فن کا مظاہرہ کیا،  بعد ازاں اس چھوٹے سے بینڈ وائٹل سائنس نے دنیا بھر میں نام روشن کیا اور دل دل پاکستان جیسے مشہور قومی نغموں کو تخلیق کیا۔

مزید تفصیل پڑھیں : جنید جمشید کا سفر زندگی

ویڈیو دیکھیں


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں