پاپا زندہ باد، جنید صفدر کاسوشل میڈیا پر نعرہJunaid Safdar react
The news is by your side.

Advertisement

پاپا زندہ باد، جنید صفدر کاسوشل میڈیا پر نعرہ

اسلام آباد : کیپٹن(ر)صفدرکی گرفتاری پر بیٹے جنید صفدر نے ردعمل کا اظہار کرتے ہوئے پاپازندہ باد کا نعرہ لگایا اور کہا کہ آج والد کے پاکستان سے متعلق کہے الفاظ یاد آگئے، مٹی کی محبت میں ہم آشفتہ سروں نے وہ قرض اتارے جوواجب بھی نہیں تھے۔

تفصیلات کے مطابق سابق وزیراعظم کی صاحبزادی مریم نواز کے صاحبزادے جنید صفدر نے سماجی رابطے کی ویب سائٹ ٹوئٹر پر اپنے والد کیپٹن (ر) صفدر کی گرفتاری پر ردعمل کا اظہار کرتے ہوئے کہا کہ میرے والد کواسلام آباد پہنچتے ہی گرفتارکرلیا گیا ہے۔

جنید صفدر نے کہا کہ آج والد کے پاکستان سے متعلق کہے الفاظ یاد آگئے، مٹی کی محبت میں ہم آشفتہ سروں نے وہ قرض اتارے جو واجب بھی نہیں تھے۔

انھوں نے اپنے ٹوئٹ میں مزید کہا پاپازندہ باد کا نعرہ لگایا اور کہا کہ این اے21 کےعوام کو اپنے منتخب نمائندے پر فخرہونا چاہیے۔


مزید پڑھیں :  کیپٹن (ر) صفدرکو وطن واپسی پرگرفتارکرلیا گیا


یاد رہے کہ قومی احتساب بیورو نے نوازشریف کے داماد اورمریم نواز کے شوہر کیپٹن ریٹائرڈ صفدر کو وطن واپسی پر گرفتارکرلیا تھا ، مریم نواز اور ان کے شوہر لندن سے وطن واپس آئے تھے۔

ن لیگ کے وزرا نے کیپٹن(ر)صفدر کو لے جانے والی نیب کی گاڑی کو گھیرلیا تھا اور ن لیگ کے کارکنان گاڑی کے آگے  لیٹ گئےتھے۔

زرائع کے مطابق نیب عدالت نے گزشتہ پیر کو کیپٹن (ر) صفدر کو طلب کیا تھا لیکن وہ پیش نہ ہوئے، جس پر احتساب عدالت کیپٹن (ر) صفدر کے ناقابل ضمانت وارنٹ گرفتاری جاری کرچکی ہے، جس پر گرفتاری کے لیے عدالتی احکامات پرفوری عمل کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں