کراچی:شہر قائد میں امجد صابری کی ٹارگٹ کلنگ کی گونج ابھی تھمی نہ تھی کہ مذہبی جماعت کے رہنما پرگولیاں برسادی گئیں،جےیو پی نورانی گروپ کےعقیل انجم قاتلانہ حملےمیں بال بال بچ گئے۔
کراچی میں ٹارگٹ کلرزآزاد ہوگئے کورنگی کی مظفرآباد کالونی میں دو موٹر سائیکلوں پر سوار چار افراد نے جے یو پی نورانی کے رہنما عقیل انجم کو نشانہ بنانے کی کوشش کی۔
مولانا عقیل انجم کے مطابق جیسے ہی وہ اپنے گھر کی گلی میں داخل ہوئے ساتھی ڈرائیور نے خطرہ بھانپ لیا، عقیل انجم کے مطابق دو ملزمان نے ہیلمٹ پہن رکھا تھا، ملزمان نے قریب پہنچ کر فائرنگ کردی۔
جےیو پی نورانی کےعقیل انجم پرقاتلانہ حملہ زمان ٹائون میں تھانہ کورنگی کی حدود میں پیش آیا، پولیس نے تاحال مقدمہ درج نہیں کیا۔
دوسری جانب امجد صابری کی ٹارگٹ کلنگ کو چار دن گزر گئے تاہم ملزمان قانون کی گرفت سے دور ہیں ، پولیس نے تفتیش کے دوران دوافراد کو حراست میں لیا ہے، پولیس نے امجد صابری کے ساتھی سلیم چندا کو حراست میں لے لیا۔
