The news is by your side.

Advertisement

سپر ہیرو فلم ’جسٹس لیگ‘ کے پہلے ٹریلر نے دھوم مچادی

ڈی سی کامکس کی سب سے زیادہ انتظار کی جانے والی سپرہیرو فلم ’جسٹس لیگ‘ کا پہلا ٹریلر ریلیز کردیا گیا ہے‘ فلم کے ٹریلرمیں سات میں سے پانچ مرکزی کردارآشکار کیے گیے ہیں۔

ڈی سی کامکس یونی ورس اورمارول کامکس کی یونی ورس کے درمیان ہمیشہ سے کشمکش جاری ہے اورڈی سی کی سابقہ فلم ’ ڈان آف جسٹس‘ غیرمتوقع طورپروہ کامیابی حاصل نہیں کرپائی جیسا کہ اس سے امید کی جارہی تھی لیکن رواں سال کے آخرمیں ریلیز ہونے والی ’جسٹس لیگ‘ سے اب کئی امیدیں وابستہ کرلی گئیں ہیں۔

post-3

جسٹس لیگ میں ڈی سی یونی ورس کے سات مرکزی کردارایک ساتھ جلوہ گرہوں گے۔ حالیہ ٹریلرمیں بیٹ مین‘ ونڈرویمن‘ فلیش‘ ایکوا مین اور سائبورگ آشکار کردیے گئے ہیں تاہم دو کردار تاحال پردے میں ہیں۔

post-1

post-5

یہ بات تو طے ہے کہ فلم کے باقی ماندہ دو کرداروں میں سے ایک سپر مین ہوگا اور اس کا ثبوت ٹریلر میں اس کی محبوبہ لوئیس لین کی موجودگی سے مل رہا ہے لیکن ساتواں کردار کون ہوگا اس بات سے پردہ ہٹنا ابھی باقی ہے۔

فلم کے ٹریلر نے بہت سی چیزوں کو آشکار کیا ہے جیسا کہ قدیم زمانے میں ہونے والی لڑائی‘ ایکوا مین نامی کردار کا ابھر کر سامنے آنا وغیرہ شامل ہیں۔ ٹریلر میں ہم یہ بھی دیکھ سکتے ہیں کہ کونسی قوتیں ہوں گی جن کے خلاف جسٹس لیگ نبرد آزما ہوگی جیسا کہ پیرا ڈیمنز وغیرہ۔

post-4

جیسا کہ سب جانتے ہیں کہ بیٹ مین ہی جسٹس لیگ کا مرکزی کردار ہے‘ ٹریلرمیں دیکھا جاسکتا ہے کہ کس طرح بروس وین ( بیٹ مین) دوسرے سپرہیروزسے رابطہ کرکے برائی کے خلاف اچھائی کی قوتوں کا ایک اتحاد تشکیل دیتا ہے اوردنیا کو تباہی سے بچانے کی جدوجہد کا آغازکرتاہے۔

اب دیکھنا یہ ہے کہ نومبر 2017 میں ریلیز ہونے والی یہ فلم کیا سپر ہیروفلموں کے شائقین کی توقعات پر پورا اترے گی یا پھرسابقہ فلم ڈان آف جسٹس کی طرح ناقدین کے منفی تجزیات کی نظر ہوجائے گی۔

جسٹس لیگ سے پہلے ونڈرویمن ریلیزہوگی

صرف یہی نہیں بلکہ ڈی سی کامکس اس سال ایک اورسپرہیرو فلم پیش کررہا ہے جو کہ جسٹس لیگ کی اب تک کی واحد خاتون سپرہیرو ’ونڈرویمن‘ کی کہانی پر مبنی ہے اور جلد ہی ریلیز ہونے والی ہے۔

post-6


Print Friendly, PDF & Email

Comments

comments

یہ بھی پڑھیں