پشاور: جسٹس مسرت ہلالی کو طبیعت ناساز ہونے پر مقامی اسپتال منتقل کردیا گیا ہے، ڈاکٹر کا کہنا ہے کہ ان کی طبیعت اب بہتر ہے۔
تفصیلات کے مطابق سپریم کورٹ کی جج جسٹس مسرت ہلالی کی طبیعت ناساز ہوگئی ، وہ پشاورچھٹی گزارنےآئیں تھیں۔
سپریم کورٹ کی جج کو طبیعت ناساز ہونے پر مقامی اسپتال منتقل کردیا گیا ہے ، جہاں ڈاکٹر کا کہنا ہے کہ ان کی طبیعت اب بہتر ہے۔
سپریم کورٹ کے قائم مقام چیف جسٹس منیب اختر، گورنر خیبر پختونخوا فیصل کریم کنڈی اور دیگر ساتھی ججز نے ان کی عیادت کی، وہ پشاور انسٹیٹیوٹ آف کارڈیالوجی میں زیرعلاج ہیں۔
یہاں یہ بات قابل ذکر ہے کہ جسٹس مسرت کو پشاور ہائی کورٹ کی پہلی خاتون چیف جسٹس کا اعزاز حاصل ہے، انہوں نے جولائی 2023 میں سپریم کورٹ کے جسٹس کے طور پر حلف لیا تھا۔
راجہ محسن اعجاز اسلام آباد سے خارجہ اور سفارتی امور کی کوریج کرنے والے اے آر وائی نیوز کے خصوصی نمائندے ہیں