site
stats
پاکستان

پانامہ کیس میں وزیراعظم نااہل ہوسکتے ہیں، جسٹس ریٹائرڈ وجیہہ الدین

اسلام آباد : سپریم کورٹ کے سابق چیف جسٹس جسٹس ریٹائرڈ وجیہہ الدین احمد نے کہا ہے کہ پانامہ کیس میں وزیراعظم نااہل ہوسکتےہیں، وزیراعظم کوثابت کرنا ہوگا کہ لندن فلیٹ کے لیےرقم کہاں سےآئی؟ رقم کاذریعہ ثابت نہ کرنے پر وزیراعظم صادق اورامین نہیں رہیں گے۔

ان خیالات کا اظہار انہوں نے اے آر وائی نیوز کے پروگرام سوال یہ ہے میں میزبان ماریہ میمن سے خصوصی گفتگو کرتے ہوئے کیا۔

جسٹس ریٹائرڈ وجیہہ الدین احمد نے کہا کہ پاناما کیس کے تمام شواہد موجود ہیں، حسین نواز اعتراف کرچکے ہیں کہ لندن کے4 فلیٹ ان کےہیں۔ کرپشن سے فلیٹ خریدنے کے الزام ان کو ہی غلط ثابت کرنا ہوگا۔

انہوں نے کہا کہ فلیٹ کی خریداری کے وقت حسین نواز بچے تھے، یہ فلیٹس حسین نواز نے کیسے خریدے یہ عدالت مین ثابت کرنا ہوگا، قانون کی رو سے فلیٹ نوازشریف کی ملکیت سمجھےجائیں گے۔

انہوں نے کہا کہ پاناما کیس قتل کا نہیں چوری کا کیس ہے۔ یہ کیس آئین کے آرٹیکل 184 کے تحت ہے، وزیر اعظم کی ذمہ داری ہے کہ وہ منی ٹریل بتائیں۔

ایک سوال کے جواب میں انہوں نے کہا کہ قطری شہزادے کا خط وزیر اعظم کے بیانات کی تردید کرتا ہے، دونوں کے بیانات میں واضح تضاد ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top