Justice(r) Wajihuddin Forms His Own Political Party
The news is by your side.

Advertisement

تحریک انصاف کے سابق رہنما جسٹس وجیہہ الدین نے اپنی نئی پارٹی بنا لی

لاہور: پاکستان تحریک انصاف کے سابق رہنما جسٹس (ر) وجیہہ الدین نے اپنی سیاسی جماعت عام لوگ اتحاد پارٹی کے نام کا اعلان کرتے ہوئے کہا کہ تحریک انصاف میں موقع پرست عناصر داخل ہوکر قبضہ کرچکے ہیں، پانامہ لیکس پر الزامات ثابت کرنا لندن فلیٹس کی ملکیت کا دعوی کرنے والوں کی ذمہ داری ہے۔

لاہور پریس کلب میں میڈیا سے گفتگوکرتے ہوئے تحریک انصاف کے سابق رہنما جسٹس (ر) وجیہہ الدین نے کہا کہ وہ پانامہ لیکس پر کمیشن بنانے کے کبھی بھی حق میں نہیں رہے، لندن فلیٹس کے الزامات اور اُن کی ملکیت ثابت کرنا انہی لوگوں کی ذمہ داری ہے جنہوں نے الزامات عائد کیے۔

انہوں نے کہا کہ  تحریک انصاف کی باگ دوڑ قاف لیگ اور دوسری جماعتوں سے آئے ہوئے موقع پرستوں کے ہاتھ میں آگئی ہے اور وہ پوری طرح اعلیٰ پوزیشنز پر قبضہ کرنے میں کامیاب رہے ہیں۔


پڑھیں: ’’ عمران خان کا جسٹس (ر) وجیہہ کے نام خط ‘‘


انہوں نے اپنی نئی پارٹی کا اعلان کرتے ہوئے کہا کہ عام لوگ اتحاد پارٹی عام انتخابات سے پہلے پارٹی الیکشن کروائے گی جبکہ انتخابات میں پسے ہوئے طبقات کو ہر سطح پر آگے لایا جائے گا۔ جسٹس وجیہ الدین کا کہنا تھا کہ انتظامیہ کی غفلت کے باعث عدلیہ اپنے کام کو موثر طریقے سے انجام نہیں دے پارہی۔
خیال رہے سپریم کورٹ کے سابق چیف جسٹس جسٹس ریٹائرڈ وجیہہ الدین احمد نے تحریک انصاف میں شمولیت اختیار کی تھی تاہم پارٹی پالیسیوں سے ناراضی کے باعث انہوں نے پارٹی سے علیحدگی اختیار کرلی تھی۔

Comments

comments

یہ بھی پڑھیں