The news is by your side.

Advertisement

کے الیکٹرک کا ملازم کرونا سے جاں بحق، واٹر بورڈ کا اکاؤنٹ افسر متاثر

کراچی: شہر قائد کے دو اہم اداروں کے ملازمین بھی کرونا وائرس سے متاثر ہو گئے جن میں سے ایک مریض جاں بحق ہو گیا۔

تفصیلات کے مطابق ترجمان کے الیکٹرک نے ادارے کے ایک ملازم کی کرونا وائرس سے انتقال کی تصدیق کرتے ہوئے کہا کے الیکٹرک کا ملازم کرونا وائرس کا شکار ہو کر جاں بحق ہو گیا ہے، دکھ کی اس گھڑی میں ادارہ مرحوم كے لواحقین سے تعزیت کا اظہار کرتا ہے۔

واٹر بورڈ کراچی کا ایک اکاؤنٹ افسر بھی کرونا وائرس سے متاثر ہو گیا ہے، ایم ڈی واٹربورڈ نے تصدیق کرتے ہوئے کہا کہ مذکورہ اکاؤنٹ افسر کا کرونا ٹیسٹ مثبت آنے کے بعد اسے آئسولیٹ کر دیا گیا ہے۔

سندھ میں 24گھنٹوں میں 18 اموات ، وزیراعلیٰ سندھ نے لاک ڈاؤن کے حوالے سے خبردار کردیا

ادھر گورنر سندھ عمران اسماعیل کا کرونا ٹیسٹ منفی آ گیا، انھوں نے دعا کرنے والوں کا شکریہ ادا کرتے ہوئے کہا کہ میں جلد کسی ضرورت مند کو اپنا پلازمہ عطیہ کروں گا۔ خیال رہے کہ گورنر سندھ میں 27 اپریل کو کرونا وائرس کی علامات ظاہر ہوئی تھیں، بعد ازاں کرونا وائرس ٹیسٹ کروانے پر وہ مثبت نکلا۔

گزشتہ روز سندھ میں 24 گھنٹوں کے دوران 18 اموات ہوئیں اور کرونا کے 593 نئے کیسز سامنے آئے، جس کے بعد سندھ میں کرونا کیسز کی تعداد 12610 اور کرونا کے باعث اموات 218 ہو چکی ہیں۔

سندھ میں گزشتہ 24 گھنٹوں میں کل 4064 ٹیسٹ کیے گئے، سندھ بھر میں اب تک کرونا کے 99117 ٹیسٹ کیے جا چکے ہیں۔

Comments

یہ بھی پڑھیں