کے الیکٹرک کا عوام سے اضافی رقم وصول کرنے کا انکشاف -
The news is by your side.

Advertisement

کے الیکٹرک کا عوام سے اضافی رقم وصول کرنے کا انکشاف

کراچی: کے الیکٹرک کی جانب سے بجلی کے بلوں میں شہریوں سے اربوں روپے اضافی وصول کرنے کا انکشاف ہوا ہے۔ وزارت پانی و بجلی نے عوام سے لوٹی رقم واپس کرنے کی ہدایات دے دیں۔

تفصیلات کے مطابق کراچی کے عوام سے کے الیکٹرک نے اربوں روپے اضافی وصول کر لیے۔

وفاقی سیکریٹری پانی و بجلی یونس ڈھاگا نے نیپرا کو خط لکھ ڈالا۔ وفاقی سیکریٹری نے چیئرمین نیپرا کو بتایا کہ بجلی کے نرخوں کا درست تعین نہ کیے جانے کی وجہ سے کراچی کے شہریوں سے 62 ارب روپے زائد وصول کیے گئے۔

ملٹی ایئر ٹیرف کے نظام کے تحت بجلی کے نرخوں کا تعین ہر 3 ماہ بعد ایندھن پر آنے والی لاگت اور تقسیم و ترسیل کے نقصانات کو مدنظر رکھ کر کیا جاتا ہے تاہم کے الیکٹرک کے تقسیم و ترسیل کے نقصانات کو زیادہ ظاہر کر کے سستے ایندھن کے ثمرات کو شہریوں تک نہیں پہنچنے دیا گیا۔

سیکریٹری پانی و بجلی کا کہنا ہے کہ نیپرا ان بے ضابطگیوں کو دور کر کے عوام کا پیسہ واپس کرے۔

Comments

comments

یہ بھی پڑھیں