The news is by your side.

Advertisement

عدم ادائیگی پر بجلی منقطع کرنے کی پالیسی ، کے الیکٹرک صارفین کیلئے بڑی‌ خوشخبری

کراچی : کے الیکٹرک نےعدم ادائیگی پربجلی منقطع کرنےکی پالیسی جاری کردی، جس کے تحت ایک ماہ کی عدم ادائیگی پرصارف کی بجلی منقطع نہیں کی جاسکتی۔

تفصیلات کے مطابق نیپرا کے ایکشن کے بعد کے الیکٹرک نے عدم ادائیگی پر بجلی منقطع کرنے کی تحریری پالیسی جاری کردی، نیپرا قانون کے تحت ایک ماہ کی عدم ادائیگی پر کسی بھی صارف کی بجلی منقطع نہیں کی جاسکتی۔

نیپرا کسٹمر سروس مینول سیکشن 8.2 ، شق 8.2.1 سے 8.2.4 مین بجلی منقطع کرنے کی پالیس واضح کی گئی ہے، 8.2.1 کی شق کے تحت صارفین بھی بجلی کے بل کو مقررہ تاریخ کے اندر ادائیگی کرنے کا پابند ہے۔

ترجمان کےالیکٹرک کا کہنا ہے کہ بل کی ٓخری تاریخ گزرنے کے بعد تاخیر سے کی گئی دائیگی کے بعد بھی کنکشن منقطع نہیں کیا جائے گا، صارف کرنٹ ماہ کا بل جمع کرنے میں ناکام رہا تاہم کوئی واجبات باقی نہ ہوں 8.2.2 کے تحت بھی کنکشن کو منقطع نہیں کیا جا سکتا۔

کےالیکٹرک کے مطابق ایک مہینے کے بل کی عدم ادائیگی کی صورت میں کمپنی دوسرے مہینے کے بل کے ساتھ سات دن کا وارننگ نوٹس جاری کرے گی ، نادہندہ صارفین ک دوسرے ماہ کے بل کے ساتھ بقایا واجبات ادا کرے یا نوتس جاری ہونے کے بعد بجلی منقطع ہونے کا سامنا کرنا پڑے گا۔

ترجمان کا کہنا تھا کہ 8.2.3 کی شق کے تحت ایک ماہ کا بل ڈیفالٹ ہونے پر کنکشن منقطع نہیں کیا جا سکتا جبکہ 8.2.4 کی شق تحت ادائیگی نہ ملنے کی صورت میں اور دوسرے مہینے کے بل پر دی گئی تاریخ کی میعاد ختم ہونے پر ، نادہندہ کی فراہمی منقطع کی جائے گی۔

کےالیکٹرک کے ترجمان نے مزید کہا کہ بل کی مکمل ادائگی کیے جانے تک منقطع بجلی کو دوبارہ منسلک یا بحال نہیں کیا جائے گا، کے الیکترک باقاعدہ ادارے کے طور پراس بات کو یقینی بناتا ہے کہ تمام کام نیپرا پیرامیٹرز کے اندر رہیں۔

Comments

یہ بھی پڑھیں