کراچی : کے الیکٹرک حکام نے عدالت کو مستقبل میں بجلی بند نہ ہونے کی یقین دہانی کرادی ، جس پر عدالت نے کے الیکٹرک سی ای او کا وارنٹ واپس لے لیا۔
تفصیلات کے مطابق سندھ ہائی کورٹ میں بجلی بند ہونے کے معاملے پر سماعت ہوئی، کے الیکٹرک کے حکام عدالت میں پیش ہوئے۔
دوران سماعت کے الیکٹرک حکام کی جانب سے عدالت کو مستقبل میں بجلی بند نہ ہونے سے متعلق یقین دہانی کرائی گئی۔
کے الیکٹرک انتظامیہ نے بجلی کی فراہم معطل ہونے پر سندھ ہائیکورٹ سے معذرت کرلی، جس پر سندھ ہائی کورٹ نے کے الیکٹرک سی ای او کا وارنٹ واپس لے لیا۔
جسٹس صلاح الدین پنہور نے کے الیکٹرک سی ای او کے قابل ضمانت وارنٹ گرفتاری جاری کیے تھے ، کے الیکٹرک سی ای او کے 50 ہزار روپے کے عوض وارنٹ جاری کیے گئے تھے۔
عدالت نے ایڈیشنل آئی جی کراچی کو ایک گھنٹے میں کے الیکٹرک سی ای او کو پیش کرنے کی ہدایت کی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں