The news is by your side.

Advertisement

اوورچارجنگ، صارف انصاف کے لیے کے الیکٹرک کو عدالت لے گیا

کراچی: اضافی بل کی وصولی کے خلاف شہر قائد کے ایک شہری کو عدالت کا دروازہ کھٹکھٹانا پڑ گیا ہے، عدالت نے کے الیکٹرک کو نوٹس جاری کرتے ہوئے جواب طلب کر لیا۔

تفصیلات کے مطابق کے الیکٹرک کی جانب سے شہری کو بجلی بل میں اوور چارجنگ پر کنزیومر پروٹیکشن سیل نے شہری وجاہت مرزا کے معاملے کو عدالت بھیج دیا، شہری کی درخواست پر وسطی کے صارف عدالت نے کے الیکٹرک کو نوٹس جاری کر دیے۔

درخواست کے مطابق کنزیومر سیل کو صارف وجاہت مرزا کی جانب سے شکایت موصول ہوئی تھی، ان کا کہنا تھا کہ کے الیکٹرک کی جانب سے صارف کو اوور چارجز لگائے گئے۔

شہری وجاہت مرزا کی شکایت کے مطابق ستمبر 2020 میں بجلی کا بل اچانک زیادہ آنا شروع ہوگیا، 27 نومبر 2020 تک اضافے بل آتے رہے، دراصل میٹر میں خرابی تھی جس کی وجہ سے اضافی بل ادا کرنے پڑے، تاہم 4 ماہ بعد میٹر تبدیل ہونے کے بعد بل درست آیا تھا۔

درخواست میں کہا گیا کہ چار ماہ کے دوران صارف سے اضافی بل کے مد میں 69 ہزار روپے سے زائد وصول کیے گئے، درخواست میں استدعا کی گئی کہ صارف کو اضافی بل کی مد میں لیے گئے پیسے واپس کیے جائیں، یا آئندہ کے بلوں میں ایڈجسٹمنٹ کی جائے۔

عدالت نے درخواست کی سماعت 19 اگست تک ملتوی کرتے ہوئے آئندہ سماعت پر کے الیکٹرک سے جواب طلب کر لیا ہے۔

Comments

یہ بھی پڑھیں