The news is by your side.

Advertisement

کے الیکٹرک کی فروخت: شنگھائی الیکٹرک کو دی گئی مہلت خاتمے کے قریب

کراچی :کے الیکٹرک خریدنے کے لیے شنگھائی الیکٹرک کو دی گئی قانونی مدت پوری ہونے میں محض 18 دن رہ گئے، شنگھائی الیکٹرک نے ابھی تک کے الیکٹرک کو نہیں خریدا۔

تفصیلات کے مطابق شنگھائی الیکٹرک کو کراچی میں بجلی سپلائی کرنے والے کمپنی کے الیکٹرک خریدنے کے لیے دی گئی قانونی مدت ختم ہونے والی ہے۔

اس حوالے سے پاکستان اسٹاک ایکسچینج کو نوٹس کا اجرا کرکے شیئرزہولڈرز کو مطلع کردیا گیا ہے، قانون کے مطابق اظہار دلچسپی کے بعد 90 دن کی قانونی مدت میں ڈیل طے کرنا ہوتی ہے۔

قبل ازیں شنگھائی الیکٹرک کو اظہار دلچسپی کی میعاد ختم ہونے پر 2 مرتبہ توسیع دی گئی اور اب یہ مدت 30 جون کو ختم ہورہی ہے۔

شنگھائی الیکٹرک سودے پر قائم ہے، میعاد میں توسیع کی درخواست دے گی، عارف حبیب

کے الیکٹرک اورشنگھائی الیکٹرک کے سودے میں شامل آفر منیجرعارف حبیب نے کہا ہے کہ شنگھائی الیکٹرک، کے الیکٹرک کو خریدنے کے سودے پر اب بھی قائم ہے، شنگھائی الیکٹرک میعاد ختم ہونے پر تیسری بار توسیع کی درخواست دے گی۔

انہوں نے کہا کہ شنگھائی الیکٹرک، کے الیکٹرک کے 66 فیصد اکثریتی حصص خریدنا چاہتی ہے اور وہ اس بات پر قائم ہے۔

Print Friendly, PDF & Email

Comments

comments

یہ بھی پڑھیں