The news is by your side.

Advertisement

کراچی کے شہریوں کیلئے بجلی مزید مہنگی ہونے کا خدشہ

کراچی: کے الیکٹرک نے نیپرا سے بجلی کی قیمت میں 4 روپے 86 پیسے کے اضافے کی درخواست کردی ہے۔

کے الیکٹرک نے بجلی کی قیمت میں اضافہ کی درخواست اپریل کی ماہانہ فیول ایڈجسمنٹ کی مد میں کی ہے، نیپرا کے الیکٹرک کی درخواست پر سماعت 14 جون کو کرے گا، جس کے بعد قیمت میں اضافہ کا فیصلہ کیا جائے گا۔

کے الیکٹرک نے درخواست میں موقف اپنایا ہے کہ مارچ 2022 سے اپریل 2022 تک فرنس آئل کی قیمتوں میں 22 فیصد جبکہ سی پی پی اے-جی کی  قیمتوں میں 14 فیصد اضافہ ہوا ہے، جس کے باعث بجلی مہنگی پڑی۔

خیال رہے کہ گزشتہ ماہ نیپرا نے کے الیکٹرک کے درخواست پر بجلی کی قیمت میں فی یونٹ 4 روپے 83 پیسے اضافے کی منظوری دی تھی۔ قیمتوں میں اضافہ مارچ کے ماہانہ فیول چارجز ایڈجسٹمنٹ کی مد میں کیا گیا تھا، جس کا اطلاق جون کے بلوں پر ہوگا۔

نیپرا کا کہنا تھا کہ اضافے کا اطلاق کے الیکٹرک کے تمام صارفین ماسوائے لائف لائن صارفین پر ہوگا۔

Comments

یہ بھی پڑھیں