ٹوکیو (14 جنوری 2026): جاپانی وزیر اعظم اور جنوبی کورین صدر کی ڈرمنگ پرفارمنس نے دیکھنے والوں کو حیران کر دیا۔
جنوبی کوریا کے صدر لی جے میونگ کے لیے وہ ایک خاصا مشکل لمحہ تھا جب انھوں نے جاپانی وزیرِ اعظم سانائے تاکائیچی کے ساتھ ڈرم اسٹکس سنبھالیں، جو خود ایک سابق ہیوی میٹل ڈرمر رہ چکی ہیں۔
دونوں رہنماؤں نے مشہور کورئین پاپ بینڈ ’’بی ٹی ایس‘‘ کے گانے ڈائنامائٹ پر ڈرم بجانے کا شان دار مظاہرہ کیا۔ شاید کسی کو ایسا منظر دیکھنے کی توقع نہیں تھی کہ ایک اہم سربراہی اجلاس کے آخری لمحات میں ایک جیسے نیلے یونیفارم پہنے صدر لی جے میونگ اور وزیر اعظم سانائے تاکائیچی ایک جیسے ڈرم سیٹس کے پیچھے بیٹھ کر نیٹ فلیکس کی سیریز کے-پاپ ڈیمن ہنٹرز کے مشہور گانے گولڈن اور بی ٹی ایس کے گانے ڈائنامائٹ کی دھنیں بجائیں گے۔
تاکائیچی یونیورسٹی کے زمانے میں ایک ہیوی میٹل بینڈ میں ڈرم بجایا کرتی تھیں، انھوں نے لی کی نئی سیکھنے والی مہارت کی تعریف کی۔ انھوں نے اپنے دفتر کے یوٹیوب چینل پر جاری کی گئی ایک ویڈیو میں کہا ’’صدر نے صرف پانچ، دس منٹ میں ہی ڈرم بجانا سیکھ لیا۔‘‘ لی نے بھی منگل کے روز ایک پوسٹ میں لکھا ’’اگرچہ ہماری رفتار میں فرق تھا لیکن ہم دونوں نے ایک ساتھ ردھم ملانے کی کوشش کی۔‘‘
Japanese Prime Minister Sanae Takaichi and South Korean President Lee Jae-myung wrapped up their summit in Nara, Japan, on Tuesday with an unexpected drumming performance together.
➡️ Both leaders had matching blue outfits and played along to K-pop songs, including Dynamite… pic.twitter.com/gr5ckl6UE4
— Visioner (@visionergeo) January 14, 2026
تاکائیچی نے بتایا کہ جب گزشتہ سال ایپک کے موقع پر ہماری ملاقات ہوئی تو انھوں نے بتایا تھا کہ ڈرم بجانا اُن کا خواب ہے، اس لیے ہم نے اُن کے لیے ایک سرپرائز تیار کیا۔ انھوں نے مزید کہا کہ دونوں نے دو کے-پاپ گانے بجائے۔ میگا اسٹار بوائے بینڈ بی ٹی ایس کا ’’ڈائنامائٹ‘‘ اور امریکی گولڈن گلوب ایوارڈ یافتہ اینیمیٹڈ فلم ’’کے پاپ ڈیمن ہنٹرز‘‘ کا گانا گولڈن۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں