ممبئی: بالی وڈ کی مشہور فلم ’کل ہو نہ ہو‘ کی اداکارہ ڈیلناز ایرانی پچھلے کچھ عرصے سے بے روزگار ہیں۔
میڈیا رپورٹس کے مطابق ڈیلناز ایرانی نے اپنے حالیہ انٹرویو میں بتایا کہ کافی عرصے سے میرے پاس کوئی کام نہیں ہے، 2011 کے بعد میں کسی بڑی فلم میں نظر نہیں آئی۔
اداکارہ نے کہا کہ فلم انڈسٹری میں اب سوشل میڈیا پر مشہور ہونے والوں کو زیادہ اہمیت دی جاتی ہے، میں نے کسی ایجنسی یا مینجر کو نہیں رکھا، ’کل ہو نہ ہو‘ کے بعد مجھے شہرت ملی تھی۔
View this post on Instagram
انہوں نے بتایا کہ پہلے میرے تعلقات براہ راست ڈائریکٹر یا پروڈیوسر سے ہوتے تھے لیکن اب ایسا نہیں ہے، اب ان افراد سے ملنے کے لیے دفاتر کے چکر لگانے پڑتے ہیں جہاں گروہ بندی ہے۔
انٹرویو میں ان کا یہ بھی کہنا تھا کہ اگر طویل عرصے تک آپ فلموں میں نہ آئیں تو گمنامی میں چلے جاتے ہیں۔
View this post on Instagram
ڈیلناز ایران فلم نگری کا جانا مانا نام ہے۔ انہیں شاہ رخ خان کی فلم ’راون‘ میں بھی دیکھا گیا تھا۔ اس کے علاوہ وہ کچھ ٹیلی ویژن شوز کا بھی حصہ رہیں۔
View this post on Instagram